大家好, 初來報到
大家請多多指教.
事源係咁既, 我BB 頭4週個時都好聽話, 每3-4個鐘就醒食痾訓, 除左係有時痾左要餵返多少少外冇乜太多扭計.
但一到第5週開始, 佢就開始唔願訓, 特別係朝早個餐, 食完之後3個鐘入面 有2個鐘都氹唔返佢訓覺.
因為我已經過晒侍產假, 太太要自己一個人去湊住佢, 成日都唔夠訓.
想睇下各位有冇類似既經歷, 同埋你地個時點樣去氹返好BB訓覺咁.
夜晚訓到嗎？ 要餵夜奶？
Bb d 訓覺時間要幫佢建立，除食和訓，仲要同佢玩，日頭時間表，食》玩〉訓》食〉玩》訓…不斷循環，咁細個，掃完風，玩半個鐘左右，都可以氹佢一陣，然後放低佢，等佢訓。
夜晚就唔洗玩啦，盡量夜晚11點那餐食飽d, 希望佢可以訓過夜
我個仔一個月大時都係咁呀，以為佢唔聽話，後來先發現佢大個左，唔想咁快訓住，想留意一下身邊既環境
而家仔仔四月半月大，仍然好乖，只係愈來愈唔想訓，成日觀察附近環境，或者想同爸爸媽媽玩
琴晚經歷係, 佢食完都係hea左陣又開始喊,
後尾因為我同我太太, 近幾日都唔夠訓頂唔順訓死左, 嫲嫲帶左佢出廳同爺爺玩, 反而好似冇咩點嘈過
半夜佢會比較乖啲, 肯訓既, 暫時都仲要飲夜奶, 未訓到過夜, 好自動 3-4 個鐘會起身.
今晚再試下比佢食飽d, 不過怕太飽佢嘔返堆出黎 (琴晚已經係咁)
食玩訓個個 concept 我同太太都有意識, 不過要等太太養返好少少再同佢一齊開始做
多謝指教 
係呀, 我太太都以為佢唔知做咩突然開始唔聽話, 搞到佢個人好攰,
而且太太係好神心咁好定時每3個鐘 風雨不改白天黑夜 都會去泵奶, 再加埋佢日頭喊, 搞到佢人都癲 
等佢恢復返啲再一齊去同BB玩
想問下你地BB 會唔會話唔鍾意留係床睇野(聽太太講會喊), 反而鍾意比人抱住行黎行去周圍眼仔碌碌咁?
一個月大前唔會，一個月大後就開始會！鍾意八卦新事物
而家大左，更加唔肯留係張床，成日要人抱出廳睇貓貓，眼仔碌碌，好精神架
困床望 vs 有得抱周圍睇野，比你都揀後者啦
咁呢個又真既, 比我都想可以望多d野.
同太太一齊試下大家講既野先, 遲d 返黎報告下戰果 
2個讚
食飽飽後通常你哋放佢係邊？
初初頭幾星期放返佢落床仔，但一個月之後佢開始好奇，所以我哋放佢喺bounce chair 上邊，等佢周圍望吓嘢，佢周圍望好開心㗎，瞓咗我哋先至放返佢落床仔
想下初生bb有咩同佢玩？
頭100日我都係用大部分時間氹訓，慢慢先摸熟如何令佢舒服。
我個女鐘意有嘢包實佢手腳唔陏得就最靜（不過大大下又會唔鐘意，衣加又搵其他新方法），陪月都係教初生搵嘢包，有安全感。
1個讚
可以同小朋友傾下計，唱歌仔，玩peegaboo, 同佢一面唱歌，一面係bb面前，揸住啲閃令令/顏色分明/有聲嘅嘢，慢慢郁嚟郁去同佢玩、郁下d手手腳腳…但注意飲完奶，落晒枱，先好同佢郁手腳玩，驚嘔奶
可以參考下：
1個讚