我家小狗早前因急病離世。。。果朝早去睇e生時，我已感到大勢已去，上網搵定寵物火化資料，見荔枝角 有間寵物火化黃店，本住支持同路人精神，就決定幫襯佢地。當晚8點幾，確定小狗已離世後，即call佢地到屯門接遺體，由落call到接收左遺體上車接近2小時。第2朝，佢地就主動whatsapp我所有安排，我選用基本獨立火化，無加任何option, 佢地亦無sale我其他野。
火化前一日，佢地有whatsapp我提醒時間。火化前有大約半小時做遺體告別，小狗遺體整理得好好。告別完後，主人ready就可以親身送遺體入爐並按下點火制，大約兩小時就取回了骨灰。我隻狗重27kg左右，全數火化費用2千8百幾。佢地個爐好大下，我隻狗可以連大付薦金銀袋一齊燒都ok, 如果大家有寵物離世，可以考慮e家黃店，寵之家
另外，信唔信，由大家。話說小狗過身後，我撞到個拜開神既街坊，問佢有咩幫到小狗往生，點知阿街坊話咩都唔洗買，燒多d金銀最實際，好多人(靈) 等投胎，有錢就快d有得投胎，無錢就咩都假，所以我即去燒左一袋金銀俾小狗，由於聽說動物靈同人唔同，所以我又燒左另一份大金銀元寶 請土地公 飲茶，商請佢幫手代轉俾小狗。