咁可能我行錯左一步，早知應該唔同佢講，做左先
可以情緒勒索返佢哋「我想見到你，但我唔想次次見到你地都黑面同你鬧交，爭地方用，夜晚嘈住你訓。大家咁唔開心，長久落去，我會越來越唔想見到你。」
咁佢係咪想你一世冇朋友唔結婚，淨係對住佢一個
佢對你兄弟姊妹都係咁？
咪玩啦，做乜要洗錢就要洗錢喺老母身上。
唔養父母咪唔養囉，生仔女出黎沒有經過子女同意，子女沒有承諾要養父母先俾你生出黎
就算小朋友細個承諾大個左養父母，亦都係逼於無奈應承。因為小朋友冇獨立能力，只可以依靠父母，當然會唯命是從
有問題嘅係父母，明知小朋友好多需求，要食要教要讀書，都生佢出黎，生左就冇得怨要養育子女，亦都沒有資格要求回報
我地有傾過呀，不過個timing好差
因為佢同父母都係租屋，上年底先至完約搬新屋，男朋友要夾份俾屋租等到完死約
如果佢而家同我搬出黎，佢洗費會好大
但我好似忍耐屋企環境忍耐到臨界點了，我等唔倒去年底
佢又會好想我地結倒婚既，但佢又唔想我地離開佢太遠
老實講我懷疑呢個係一個詛咒 
我成家兄弟姊妹愛情都唔係太順利
到而家都未有人結倒婚（我大家姐都快30尾了）
你好好同佢傾，如果佢愛錫你唔會想個女咁辛苦
佢仲係反對又話你不孝嘅，冇法，照搬
3字頭都仲唔搬出去？
老實呀…人應該有自己小天地
你父母話哂錢搬， 比佢地好過
自私行為
咁本就係怕你唔比家用
想箍住你， 等你走唔到就真
仲有個社會（老人家）成日話一家人要齊齊整整
點齊齊整整呀， 連間房都無呀
你估每月有錢分咩？
大人黎架啦， 搬出去好正常的
唔通一生人都留在父母身邊就叫考順？
咁本就係拖垮人的一生
我阿媽都係咁，你依家先頂唔順已經好叻，我廿頭已經走左去外國做野避佢地。
避到老豆過身時返黎，再隔多幾年先的起心肝返黎同阿媽硬砍。
其實我就係有咁既感覺
有一個床位，每日起身、做野、食飯、俾家用，跟住又想滿足佢地期望結婚生個孫俾佢地
覺得自己好似一出世就注定左條路係咁，好灰既人生
好佩服你，如果我當初好似你咁有勇氣就好！
情緒勒索 x 3
搬走左先, 由得佢地話你不孝。過兩三個星期佢地掛住你自然會搵你, 到時你就講點解要搬走。
當日我阿媽為左比我個妹個男朋友黎住趕我走。我都以為自己會住唔起。結果搬走左一個星期, 後悔搬得太遲。心情好左, 做嘢都開心左, 表現又好左, 仲升埋職。
詛咩咒呀？唔好咁諗嘢啦，而家好多人都單身，單身有咩唔好？唔嫁有唔嫁好處！
我都覺得你應該搬出去，因為你真係有實際需要，不過你又唔係同屋企人不和，就唔好同父母搞到咁僵，但你一定要堅持，堅持唔一定等於吵大鑊，話將來家姐嫁出咗，你會搬返去住囉！其實如果你真係搬走咗，俾少咗家用，你父母一定係會唔開心，但我覺得佢哋唔會係反哂枱嗰隻，話就話叫你俾＄佢哋好過啫，但照你形容唔似係認錢唔認女嗰D父母，話唔埋遲D擔心你唔夠生活費，靜雞雞塞返D零用錢俾你，叫你唔好話俾家姐地知都唔奇！
放心啦，你計好條數，冇問題就去揾屋啦，支持你
絕對明白
我唔夠20歲就自行獨立
十幾歲時就諗要間房有多難嗎？
但家中真是不能， 只有成年後先有選擇權。
當時我母親想控制我人生
我竟然反抗起來， 我唔係唔想聽話
但得20歲人， 都成年啦！
點解仲要長輩講咩我地要做咩？
聽話係啱， 但唔係寵物囉！
考順， 搬出去都可以考順架，無冲突喎。
母親係要錢呀！
唔係關心我過得好不好
咁佢都叫仲有幾個仔女留係身邊呀。。。
就算你搬走左都唔洗太自責
好，可能佢唔捨得我，所以一時衝口而出講呢d說話 
多謝你呀，真係睇到想喊 
咁你父母唔同自己父母（長輩級）一齊住既？
全部人一齊住咪仲快樂和考順
你母親答： 咁唔夠住架嗎，政府又派屋比我地
咁咪係囉… 現在都係唔夠住呀， 搬就唔考順
咁全港咪好多人唔考順
攞黎講既
如果本身感情好嘅慢慢傾都好，但如果佢夾硬嚟，為錢又情緒勒索就更加要走
會唔會睇下住宅式酒店，格下價先。咁坦白講個呀媽唔捨得個女搬走都正常既，又唔係結左婚，係佢角度一來唔捨得二來又擔心啦，或者開頭試下隔一兩晚係度過夜，慢慢等佢適應下，尤其仔大女大既家庭主婦退休人士咁，無咩寄託，就會變左情感勒索都唔知，多d同佢講下自己諗法，又將同住問題比佢知道下，多d返嚟食下飯WhatsApp下咁，都三字頭，真係要獨立架喇媽媽！