我結佐婚兩年，都唔係話同奶奶見得好密。
未有疫症前兩至三星期返一次奶奶到食飯。
但佢每次都會聽到佢話個仔又瘦佐，又成日『覺得』我係唔煮飯，『覺得』我地成日成日出街食唔健康，雖然我唔係日日煮，但一星期都起碼有煮3至4日，有時返工晏佐真係唔想煮。而家疫症我好好彩有home office, 9成都係自己煮晚餐。
但成日返去食飯聽到 e d說話真係心裡把火出哂黎，覺得我搞到你個仔無啖好食咁，好鬼炆。 好彩我老公都會出聲講話我有煮，不過我奶奶有時有意無意又講下，姑仔又加把口，真係好炆。
3個讚
大把呢啲奶奶，我奶奶見我老公件恤衫皺皺地都大嘆：「阿仔！陰功囉，件衫咁皺返工點見人呀？」
實情係我老公放工後返去食飯前喺sofa瞓左一陣整皺，佢就怪我唔幫佢仔熨衫囉。
1個讚
大把呢d人啦
點都係新抱錯
新抱做咩都唔啱
少接觸為妙
2個讚
我奶奶以前話我唔煮飯，而家我煮喇，就話我老公咁肥，我仔咁肥，我成家都肥
上黎食飯煮埋比佢食，彈無可彈就話我屋企d米唔好食，但係又攞走哂d剩餸話聽日食
有次煮少左飯佢無得添飯又嘈，之後我同我老公講以後佢阿媽過黎我都唔會煮飯，落街食算，廢事又要做餐死，又要比人嫌
有時你唔好理奶奶講乜，佢唔滿意你你做乜都錯，你老公知咩事就得
14個讚
廚藝都叫見得下人，煮過餐十幾道菜嘅海鮮孝敬6299，聖誕又煮左餐20人份嘅晚餐招呼男家親友上黎玩。然後，佢同我講我煮得咁好，搞到佢個仔肥左好多。所以算啦，奶奶總係覺得佢有責任提點下你，指點下你，佢唔話你呢樣，都會話你第二樣。
1個讚
認同呀，個仔瘦又話你搞到佢仔咁瘦，以前都有d肉架！
個仔肥又話你搞到佢仔咁肥，唔健康，以前佢無咁肥架！
1個讚
好彩佢又唔會上黎我地到食飯，都住得遠。
我都係咁安慰自己，我同老公知就okay.
呀仲有，我從來唔會埋怨我奶奶，永遠笑笑口，然後事後將所有不滿發洩響先生到。因為係我先生選擇同我結婚，佢父母係無得擇新抱的。我先生係唯一了解我同佢呀媽嘅人，佢有100%責任避免同化解一切爭執。相處到係好，相處唔到就唔相處。佢拖我返去食飯就要後果自負 
9個讚
我由一知道要見到我奶奶就開始心情唔好，會好易發脾氣，見到我奶奶我起初都會笑笑口唔駁佢，之後返到屋企就逐樣不滿同我老公講
後來發覺對住我奶奶笑笑口係無用，佢只會講野越黎越mean，之後我會忍到某一個程度就駁佢一次，佢就會乖返，然後一排之後佢又mean過……無限loop左十幾年
1個讚
遲d 呀b（第一胎）出埋世，我唔知又會變成點。
應該又係另一個階段。
你講得啱呀！又一場慘烈戰爭，過來人提醒你，要明白自己底線並堅守，因為佢地好鐘意用自己嗰套黎做標淮，你唔跟佢做就係錯，但需知時代唔同，大家做法都會唔同加嘛，所以要知底線喺邊，乜野可以讓步，乜野唔可以
4個讚
我同奶奶住，佢廚藝了得自認天下第一，佢話佢死鬼咗佢個仔就無啖好食，佢返工得閒先煮吓，講真，我自己湊2⃣個BB辛苦都冇所謂，佢再講d過份嘢我實反擊佢，平時我連買舊薑都要比佢彈，我都忍，最緊要老公明白自己（因為老公睇住我生完2⃣個仲瘦過拍拖時20磅，一臉倦容
初初生完第一胎奶奶仲成日話我，乜都話，坐月我日日都喊，一聽到媽咪把聲喊到講唔到嘢，我試過抱埋2⃣個仔搬走，之後搬返嚟好d，因為佢知我已經唔會再忍受佢冇理嘅指指點點，佢都錫2⃣粒孫，其實尊重係要互相嘅，新抱都係人地個女，希望大家加油
其實都有好多奶奶好好
2個讚
唉我之前上親奶奶度就肉片炒菜 而家搞度佢個仔日日都肉片炒菜 啲口味唔係好夾 不過其實冇咩野 純呻
1個讚
仲當個仔三歲咩？會餓到瘦？
其實換返個角色，個新抱係佢個親生女又會吾會彈自己個女乜都吾識，令人地個仔冇啖好食呢？
99剩係當自己個仔係人，覺得自己先照顧得個仔最好。所以樓主唔使介意
九成99都係睇新抱唔順眼 
當冇件事嗯嗯哦哦算
啱啱搬出去果陣
我果個一星期要見個仔三四次
次次要近鏡睇下個仔有冇瘦左
會話佢「好陰公瘦左，返到屋企食多d」
後尾我識得say no，叫老公一個人返去
1個讚
我一定反問返（1）兩公婆大家都有返工，點解一定老婆煮（2）你係咪曾經測試發現你個仔智力有問題，唔識照顧自己身體
7個讚
有呀
仲叫我煮埋飯煲埋湯俾佢另一個仔
但講緊佢兩個仔一個收工收五點，一個收七點
我就一係收九點，一係十點
但個責任都可以推晒喺我到架，佢D仔生出黎俾人服侍架