呢位簡直係神一般嘅存在
多謝! 我會努力!
1個讚
請問係咪見識過佢既利害？可以講下嗎？
遺憾我無緣親身見識。
我都冇，都係聽師傅們講返啲事例，如屬實，真能人也。
原來如此，我睇各個作者既書時，發現香港係得佢可以算得咁徹底，可以同歷代名家相比。
如果有機會能遇到哩類半仙，應該可以再提起勁習玄學。
而家連集中精神來觀相都覺得倦。
一切皆虛空，隨緣啦師兄
1個讚
就關於幫人睇風水自己唔舒服，所以唔可以免費睇呢樣嘢
我有走去問師傅…
佢話，佢一路會收費因為要養家活兒，就算係學習階段，學生可以隨意收d「利是」仔，無理由白做。
我師傅話收錢就係為收錢（提供服務），而唔係for擋災，唔使講呢樣嘢包裝到咁玄。
至於幫人睇風水會否另自己唔舒服/折福，我師傅覺得呢類係無稽之說，因為醫生每日開刀救N個人，咁其實係咪會好折福？
幫人點都係好事，只會係有功德。
當然師傅如果知道d人係撈偏門，就肯定唔會幫佢地摧旺，不過人地其實都係人，有老有嫩，包平安健康我師傅覺得亦無問題。
其他人唔知，但我師傅真正係有office的全職風水師，自己有做陰陽二宅風水，係呢方面應該算係好有經驗。尤其係做陰宅，如果做得唔好（流），師傅自己一定係食得好應。
希望大家對風水呢d所謂「行內」嘢，唔使睇得咁神化。好簡單，風水其實係幫人，係一種專業學問，同去按摩一樣。但因為行內未必有一套好有系統嘅操作模式，所以有d人講到按摩就只會聯想到「邪骨」
其實按摩揼骨呢樣嘢，本身就係源自中醫推拿，係一樣好正經嘅係，係比d商人搞搞下搞到上不到枱面。
1個讚
可能人人體驗不同，我既體驗就係免費會受報應。
或者第時你可以親身求証一下。
山醫命卜相，係唔同分類，好難直接比較。
唔好誤會，唔係懷疑你老師，只係學習真係要親身求証，別人的經驗始終係別人的經驗，只能作參考。
1個讚
或者講清楚一些，布求財布求姻緣求子局。
這些我免費都未受過報應。
係長期病/急病/cancer/見鬼，哩類就次次受。
不過哩類次數加埋，兩隻手數得晒，經驗不足係事實。
1個讚
完成咗8日奶蛋素，我覺得食素毫無難度，食得好開心
今日係中秋一早訂咗盤菜，否則我覺得自己可以繼續素落去
往年會同朋友係11月頭食大閘蟹，今年可能唔會啦
今次訂邊間？
次次都係元朗國
1個讚
邊間?
你好彩呀
我上年訂又貴又唔掂，俾屋企人哦左我好耐，今年都唔敢訂了。
八鄉南苑
我今次明明係訂$8XX嘅盤菜
跟住送黎係$11XX嘅高級版
我仲以為自己記錯
夜深人靜，帶來呢個post最後一個分享
一遍我覺得好有意義嘅文章
呢篇文章入面帶到比我好多係呢大半年黎學習分水以外嘅領悟，真心希望大家係一個商業味咁濃嘅社會入面可以停下腳步，諗一諗
接觸呢個post嘅原因唔係因為我唔再學風水，反而係因為係學風水呢方面，我黎緊會踏入另一個里程碑
正式拜師，成為入室弟子。
平時學風水玄學，比錢就可以學，但去到做弟子，學嘅會係另一種嘢，會變成一種學問嘅承傳。正統嘅風水不能外傳，我地平時係所有媒體度學返黎嘅，其實只係皮毛，係一d可以比外人知道嘅皮毛，所以可以再分享嘅嘢，其實唔多。普通學生，入門弟子，入室弟子可以學到嘅嘢會好唔同。
初時學風水就係以為好簡單，試過先知道原來專注學一門風水都並不簡單，要精嘅，好好研究一種學問已經夠曬，唔好樣樣都半桶水。
有幾次我都會問自己：學個風水，幫下自己屋企搞風水，又唔係要去搵食，唔使咁pro 呀嘛
其實搵個信得過嘅師傅睇都得啦，使乜咁辛苦……
唉，個答案就係：我就係辛苦命😵💫
學好風水，可以幫到一家人嘅健康，老公嘅事業，小朋友嘅學業，我嘅婚姻，呢d對於我已經係最重要嘅財富，真係千金不換ga
PS紫微斗數無乜秘密，以後可以開post討論紫微斗數
4個讚
人的第三風水：行為
1、不走捷徑。 人生當然有捷徑，不需要付出多少努力，一下子就能把人擺渡到幸福的彼岸。 但是捷徑走得多了，人就會失去攀登高山的能力。 捷徑是一種取巧，而攀登是一種鍛鍊。 這個世界上，多的是崎嶇，而非坦途，能走的捷徑實在少之又少。
高樓起於平地，大浪浮於海底，人生需要一點點積累。 崎嶇的路走的慣了，偶爾走一走捷徑，是行得通的。但捷徑走的慣了，再去走崎嶇的路，就是一片怨聲載道了。
2、不損人利己。 勿以善小而不為，勿以惡小而為之。 從善如登，從惡如崩。向善很難，向惡很易。 人與之間都是相互的，相互真誠，相互幫助。 大家都不是傻子，你如何對別人，別人就如何對你。 你以為你是賺到了，其實卻虧進去了自己的人格。 午夜夢回，怕是也會遭到良心的譴責。
3、不占小便宜。 天下沒有免費的午餐，天上掉餡餅也不一定砸到你。 所有的小便宜背後，一定是藏著更大的代價。 時刻謹記，好事不會都讓自己趕上。 不占小便宜，是一種教養。左宗棠說，「好便宜者，不可與之交財」。 占了小便宜，卻失去了大家的信任，得不償失。 有時候，不妨讓人一步，人人心裡有桿秤，久而久之，大家會尊重你的為人。 吃虧是福，不占小便宜，也是一種智慧。
2個讚
很好呀，能夠搵到樣自己想認真學習既事，總係好事。
希望你入左門後，唔好變成我遇到過好多盲信門派既人。一入門後，便是我門派岩曬，特別係看輕自學人士。要知道現代玄空的公開者，祖師沈竹礽都係自學者。
條條大路通羅馬，保持開放態度就是。
個人意見，多多包涵。
1個讚