係, 有個命盤10個師傅睇有10個唔同講法, 係連喜忌都可以相反。要靠對照返現實事件先睇得準, 其中一個原因就係醫院mark嘅時間唔準, 喺兩個時辰之間
有個不算熟的朋友偶然帶埋老婆出席聚會，佢老婆一直有皮膚問題，不定期全身紅腫發痛。戒口睇遍中西醫都無用，問我意見。
佢唔知我會玄學，只係朋友圈中我係被資訊對象。
細問後，加上面相山根丘陵晦暗，確認似不明原因，即玄學應可作用。再約上門細看，此宅不利女主，再加安床在五黃紫毒，暗病叢生。如果再細推，可斷出佢地既私生活。
不過同我無關，無謂理也唔想知。
很常見的病人住病屋，犯陰人住犯陰屋。
改床化病增吉用羅盤壓大煞，用高櫃等代用壓煞物已唔夠力。回想起來，係跟冤親債主情況好似，但我又睇唔到，長年運動訓練罡氣又重，只能歸類為不明原因。
哩次受報應重些，瘦左近十磅，好影響我訓練。
約一個月後，朋友夫婦約我食飯道謝，雖然皮膚仍然好易起敏感，但已不會腫起來發痛，唔會再影響日常生活。朋友再講，原來之前佢公司個同事介紹個茅山既師傅比佢，自稱習神通。一見面講完地址，片刻後便可講出家中報置，再話只要貼兩張符在床位和玄關位便可，朋友覺得有些邪門不了了之。
我聽後佩服，人唔到盤唔開已可點出大小煞所在。
第二次見識到鬼通奇妙之處，第一次係見識用前世批命。
據說鬼通要付孤/夭/貧，任一代價。
第一次見那位是貧，但批的仔細度遠不及面相。
哩次朋友代打聽後，哩個似係孤，無妻兒親人。
雖然有想過除左算 (相學八字斗數類)，再習埋術 (奇門茅山類) 來自救。但家人都係易犯陰，怕影響佢地作罷。
2個讚
再唔係你齋收徒弟囉
無資格教人，面相唔識氣色，地相唔識陰宅，八字唔夠經驗。
街外搵食既，單係學理都教一年以上。
學理買幾本書已有齊，最寶貴係體現方法。
但無人會教，搵食嘛。
不說尤值千萬金，說穿不值錢一文。
聽朋友講，佢係做政府醫生，佢話醫院俾你既出生時辰唔好盡信，唔係佢9寫，係真係有某啲原因係要故意寫遲。
抱歉，睇返自己寫既，好似唔讚成善行咁。
不是的，我雖然唔信現世報，但好欣賞做善行既人。
社會總有黑暗面，我自己遇到，不等於其他人都係。
我的經驗談，未必適合。
令人感覺負面，我都唔想咁。
其實自細有好好學習及鍛煉身體，所以能為別人所用的地方也相對多。
大概就係各式各樣咁幫人，咩扶阿婆，貨物倒塌衝去頂住，財困接濟，幫女仔係現場捉住色狼，幫final project 肥佬既同學改返上去，幫助處理紅白事。。。 太多無記住。
總之全部都係遇到順手做，無想過賣人情。
但受助者會覺得欠人情，因無野幫返我，才會說人情滿街。
你去學風水，學得開心，十分好。
咁就已經有價值。
而且先祖學問無被荒廢都係好事。
如能學以致用，當然更完滿。
1個讚
老公家族睇過隱世（鄉下盲人婆婆）或澳門出名既師傅、香港出名、唔出名的都好似三樣中一樣
最common係中貧，澳門果位 幾十年都係收賤價，但365日都full booked
我都有諗係咪deal好左，有依個Skill set可足衣食但不可用以致大富
可以單教學理
至於實踐，靠自己機遇了
我當呢門學問係先賢家居環境學心得去學，亦唔係以改命角度去學那樣嘢，所以得失心較輕。
我信玄空風水，某程度上都會覺得家中格局「合理」，磁場又好氛圍又好會令人生活得開心舒服。一個人開心舒服，其他好事自然會跟隨，可能係因為風水、可能係因為吸引力定理，總之，學咗做咗無壞處。
同人相處後發覺好多人對家居無歸屬感，亦無料理家事的common sense，咁樣家運似乎好難好。到我學成之後，希望可以由呢個角度去幫人改善家居環境。
法科、神通類非我嚮往嘅學習模式，我會包容但毫無興趣亦唔能夠令我信服。
所以，都係正正經經引經據典去學習玄空風水，這次先賢智慧適合我
面相為藥王醫人無數後, 發現某些面相特徵的人共有相同之處, 統計下來而發展成的學問.
地相則為統計環境對人的影響而成的學問, 本為宮廷秘術, 及至楊救貧帶落凡間幫助貧苦大眾始為流傳.
所以環境心理學, 沒錯呀, 根本係同一樣野.
近代觀察人類的行為與環境的相互影響發展, 繼而統計成可預測性及再重性的學科, 對城市規劃等事很有幫助.
例如觀察月亮圓缺對人類行為的影響, 新聞都經常報導.
好熟面口吧, 時辰八字咪就係根據太陰而定.
我面對迷信既人 (即盲目否定或盲目相信), 但唔幫手又唔得既時候, 都絕口不提面相風水等字眼.
搬出一套環境心理學用作家居設計 (硬啃幾本人類心理學, 行為心理學既書便可頭頭是道), 就心悅誠服, 真無奈.
另外, 初習玄學時都認為最勁的準確度最多只有七八成.
但江相派等老千, 單靠察言觀色都照樣有六成準確度.
先賢的智慧只比老千高一兩成? 不會吧.
經年後, 當然發現不至這樣, 七八成係平常人靠努力經驗所能達到的水平.
還有一種叫做天才的生物, 稱為 “半仙” 的級別, 可以有九成以上.
十成就係神仙, 唔係半仙喇.
半仙係邊哩, 就係歷來宮廷及掌權者身邊!
有一親身經驗, 記得好清楚.
近廿年前, 胡溫剛上任的年代.
當年偶然睇到一本雜誌的專欄, 唔記得係鬼故雜誌定讀者文摘, 總之唔係流行雜誌.
以玄學評論共慘新一代.
其中竟然寫維尼有皇帝命! 並說維尼極信五術, 一切依樣而行.
需知自從最後一個皇帝袁世凱後, 再無皇帝.
如此鐵筆狠批, 比硬批幾時死, 幾時結婚生仔更誇張! 所以記憶深刻.
結果係點, 大家都知.
究竟哩位半仙係咩人???
袁世凱的半仙叫賽金龜, 唔肯定有無記錯名, 也有留下逸事.
當時袁叫佢去睇孫中山既相, 能唔能夠同佢爭天下.
賽返來報告, 孫能掌天下但為免蒼生干戈而放棄天下, 為聖賢非帝皇之相, 大帥先係.
袁才沒有除掉他, 及後果然發生自行退位總統的事.
此事記錄在當時另一名家的日記中, 可信性極高.
事實上, 係極權者身邊, 無半仙級應該好快人頭不保.
1個讚
可以知原因嗎?
1個讚
同意, 單單係學理已經好難, 基礎一錯就往後所有野都錯
我就係跟著個基本學理都一時一樣嘅老師…
個人覺得習玄學，有沒有文言文根基都重要。
我的方法係直接看古藉加歷代名家注譯本，這樣學理這部份便差不多。
現代出版的注譯本，多為別樹一幟，強加新意令人混亂。
下一步就係現代的有幾多本睇幾多本，平均下來，每本約有一至兩頁，不經意流出體現堅料。
收集整理後，便可去實驗印證。
睇過別人的教義講稿，基本上都係由民初名家的注譯本抽出來。
這樣手上便有一整套學理，即使係想去上堂輕鬆些學習，也能分出係咪跟對老師。
1個讚
佢講完但我唔係好記得，大約係醫生未到但bb出左黎先之類，好似仲有其他原因，sorry唔firm
唔緊要, 謝謝回答
1個讚
我就係見佢都係左抄右抄… 抄還抄, 但佢連自己幾個月前同幾個月後講嘅唔同都唔知, 問佢仲要發老脾… 唉… 所以有高人奇怪我點解學左咁耐, d 基本concept都亂晒…
文言文係我最最最弱項… 睇嚟想自學都難啦…
左抄右抄，即係佢連整理好一套教材都無心機，庸師誤人子弟。
民初之前的注譯本，基本上都仲係文言文。
咁唯有現代注譯都照用，市面都好多架。
1個讚
這樣吧, 翻看書架後, 推薦如下.
面相: 神相全編, 麻衣相法 - 大量白話注釋版, 初學也是最終教材.
風水: 沈氏玄空學 - 大量白話注釋版, 不合初學者, 但已是最易明白的完整學理典藉. 因我是習面相及八字後看, 已有一定基礎, 手上沒有其他推介.
八字: 四柱八字闡微與實務 台灣人陳柏諭 - 看過最好的初學者入門書, 雖然不夠深入但有完整教授學理, 看後應能簡單批命. 懂批命後, 再看名家韋千里, 徐樂吾的注釋典藉深造.
大概差不多, 掌握以上後, 敢講一定比坊間庸師準得多.
我只習這三門算學, 其他唔識.
3個讚
萬分感謝你嘅推介!!!
沒問題，你高興便好。
我認為香港最近半仙級數既係林國雄，當然係指有開門做生意既計。
可惜當我識貨時，佢已經去左，無法拜佢門。
另林國雄都係自學的，加油喇。
1個讚