我讀緊U，就快睇牙，本人有智慧齒，好似都有蛀牙，小學畢業後睇過牙醫1-2次啦⋯⋯
我打電話去預約牙醫時，洗牙$500（我以前比其他牙醫洗都係呢個價），間診所係可以照埋X光，有分2D ($500), 3D ($800)。
初時不以為然，以為照x-ray呢個價應該係正常價。
問左年紀比我大既朋友先知係偏貴。佢又驚我年紀細，牙未出齊，可能會浪費照x-ray的錢，到時又要照過。
而且，朋友講通常收咁貴，拔智慧齒收費會由照x-ray到扣返些少。但果日打去預約時姑娘無講到。
大家又點睇呢？
主要問題如下：
荃灣有冇推介？
我幾年前剝智慧齒就$6000/隻 （喺診所度做）就包埋照X-Ray。
因為我隻智慧齒嘅位置唔係話特別難剝，我知道如果係打橫生或者個位真係好麻煩嘅話，會再貴啲。
箍牙我都諗緊遲啲會去做。
一般黎講都要兩到四萬，都要睇你想cool隱形嗰隻呀定係傳統，依家好多隱形cool牙都唔係好貴，但係嗰啲始終冇牙醫跟進我就覺得冇咁好。
$6000一隻好貴呀 
如果唔係呢排d野食成日卡住智慧齒啲牙肉，加上前幾日太大力刷損嗰啲位置，搞到痛痛地，都冇諗住去剝 
係啊，牙真係好貴
所以而家我有小朋友都注重佢哋啲牙
你讀緊U，學校唔係應該有啲plan可以平啲架咩？
2D $500有啲貴，其他都係正常價錢！
3D係睇到牙腳，所以出唔曬都會照到！
智慧齒 上面比下面平，價格出入大，基本上牙醫睇吓隻牙難唔難mock再決定價錢！$6000 都係正常價位！
Cool 牙，專科既話，應該$40000起
我果間冇
但教協牙科我就唔知係咪真係平過出面，亦都唔知佢手勢好唔好（鮮有人講）
yes
X Ray 我整智慧齒係包埋入面架，我印象中幾年前大約5000埋單。
你會唔會就快畢業有工做，如有睇下公司medical 有冇包牙科就可以慳少少。
我讀U時每年免費洗牙一次，剝晒4隻智慧齒，一隻要做開刀手術剝就$1000，其餘$500一隻。但講緊十幾年錢大學診所價。你讀緊U係咪都響學校診所睇？平過出面好多架喎。
十幾年前響康齒堂cool牙，大約$20000，果時已算平。
整牙不留貴，我之前牙周病照x光（3D)$1000，深層清潔+牙周病療程+補牙骨粉$32000（只係一隻牙）。一般公司保險未必包牙，我公司份保險都只cover到$5000，其餘硬食
2D，$300
3D全口腔，$600（定$650）
上面隻智慧牙$1500，
下面要開刀剝就$4500。
我係2018年價。
牙醫超好手勢，開刀剝都係即晚係到野，冇腫，唔覺痛。不過唔近你。
我自己照鏡睇自己D智慧齒，都係生得怪怪地，唔似大牙完整一隻咁。我間U冇優惠，睇怕都要大出血 
。
阿媽叫我冇咩事不要剝，擔心太貴，（如果一隻真的要$6000），我有成3隻
。但問題真的很煩呀，我覺得佢搞到我前面大牙都有蛀牙問題。
智慧齒最好剝，冇作用不特止，仲好易藏污糟野搞到蛀牙。
其他牙就真係有得救都唔好剝。我之前睇果個牙周病醫生就好堅持救到嘅牙都唔剝，佢話就算植牙都唔會係永久，而且保養唔好一樣有牙周病，冇嘢好得過真牙。
我朋友有牙周病去睇咗個唔知乜牙醫，竟然叫佢剝成十隻牙再幫襯佢植牙，我介紹咗佢去睇我果個牙醫，最後只需剝一隻。所以如果你預咗要大搞，最好睇多個牙醫攞多個意見。
無錢咪去政府到脫智慧齒，最盡咪幾百蚊包埋全口X光。
暫時我果區暫停左，每次限剝一隻 咪痛超多次。
謝提醒。
窮就頂硬上啦，開刀先痛多d，如果你要開刀都唔會即脫，要寫紙轉企，到時有機會一次脫2隻。
搞到前面大牙就更加要剝。
我之前有4隻，暫時剝左2隻（同一邊），
另一邊因下面果隻嘅牙腳係掂住神經線，所以冇痛冇蛀都唔剝佢，因有機會有手尾跟。
可以排政府果d，我老公剝左，平，但預左手勢可能差d。都係撞手神。
更新一下，已睇
$7000/隻
就算開刀都要睇過複雜性，收費會有唔同.
有啲牙醫診所有牙周病治療
唔一定要去到剝牙，比佢地檢查後做治療
會先檢查每隻牙齒嘅牙周，睇下咩情況
然後落麻醉做一個深層洗牙
洗完乾淨牙肉無腫脹 緊緻返 再check