你覺得佢對你好好？我就覺得佢對你唔好，對你好應該顧及埋你感受，你宜家攪到好似個第三者咁，前妻唔知你存在，你知唔知點解呀？因為呢個男人怕前妻知道後冇得見個女，即係話你短期內都唔見得光，除非你冇諗住結婚可以拍吓拖浪費吓時間先
1個讚
多謝甘多位意見，我個心依家好亂。
未一齊前，我以為只要有決心，就可以面對到一切。
有d留言的確插入我心裡，講中左我心中既顧慮。
因為生日呢件事，令我真係有動搖，所以先開呢個post，我都好想做一個善解人意既女朋友，但我發現真係好難。
2個讚
呢句好中，個男人身為爸爸，覺得自己個女先最重要，係正常嘅。
樓主，離婚有仔女嘅男人，盡量唔好選，因為後母好難做。
2個讚
呢個真係比較天真嘅想法，現實嘅問題是殘酷的。
人生已經好多困難，點解特登搵條艱難嘅路嚟行？
你地兩個幾大左右？離婚男有冇自己物業？
你預咗佢嘅經濟負擔會比一般男人重好多，而且就咁聽你講個前妻應該都唔野少，前路唔易行
點解個個都話個男人想見個女？
其實會唔會係想見前妻咋？
仲話租返舊居，真係唔好阻住人啦。
一齊一年啫，快啲斬纜搵過個啦，無謂自尋煩惱。
1個讚
我唔知你有幾愛呢個男人，我淨係知佢都幾唔愛你
信我，女人做人後母不如唔好嫁
咁講極端啲，但我就會咁揀
1個讚
同你諗法一樣
我發覺大家都好純真
邊有咁美好，男人離左婚冇一齊生活仲會緊張子女？
唔係冇，稀有啲囉。
離婚男緊張小朋友唔出奇，不過樓主呢個case都好大可能係對前妻未忘情，證據：
-
係前妻出軌，即係男會想有機會喺返埋一齊嘅可能性 ; 如果男嘅因為識你而離婚咁你就好放心(先唔好理啱唔啱)
-
前妻唔知你存在，因為男嘅成年都唔講
-
男對舊居好緊張
-
連你生日都可以因為個女(前妻要在場)而推遲慶祝
樓主，當局者迷，事實已經擺在眼前
9個讚
其實係、有啲男人直情無離婚、喺屋企都唔多理細路、何況離左婚。
唔知前妻係點嘅人、但如果佢係堅持爸爸見小朋友要佢在場、一定有啲原因。
就算當日係前妻出軌走、但女人諗野可以好複雜、如果前妻有收兵心態、就算佢唔再鍾意呢個男人都唔想佢另外有人。太多過去嘅男人同佢一齊行落去會好辛苦。
1個讚
堅持三人行都當佢係想保護個女，出席男家大小聚會，就有問題啦！
男家唔知你存在？
最大問題係呢度
呢樣應該個男人都同意
佢真係離咗婚?
佢有冇帶過你去見佢屋企人?
感覺佢老婆似正印多d
樓主，有容易嘅路唔行，點解要揀咁巨挑戰嘅男人呢？
佢有講過想單獨帶個女出去玩，但佢前妻唔比，因為一開始男友係想爭個女，所以佢前妻應該好驚佢會搶走個女。
佢唔想見唔到個女，唯有妥協。
其實我都覺得前妻出席男家聚會呢點都好奇怪，但呢d係佢地離婚時已協議好，我都唔可以講d咩。
我仲未見過佢屋企人，我自己都暫時無打算見住。
因為我ex係渣男，現任比我感覺完全相反，覺得佢好長情同好負責任，覺得佢係好男人，同佢會做好多野會哄我開心，覺得同佢一齊好舒服。
但慢慢發現，一段關係裡面夾雜住佢個女，同佢個前妻太復雜，
有時我都覺得好辛苦，但我又唔可以出聲，未一齊前我自己都知佢有個女，曾經有段婚姻，只可以怪自己一開始諗得太天真，覺得自己handle 到所有問題。
2個讚
佢會唔會暗地裡同前妻復合
而家一腳踏兩船?
即使男嘅冇同佢前妻復合
感覺佢在乎前妻感受多d
男方家人知唔知佢哋已離婚?
如果知道, 唔會覺得好奇怪咩?
我曾經偷睇過佢電話，佢地既對話只有約幾時見面，同成日為見個女而嗌交，但當真正見面時係點，我就唔知。
男方屋企人知道佢地已離婚呀，因為我男友搬返自己屋企住
我覺得你男友想帶個囡去男家聚會，始終老人家都想見下孫囡，但佢前妻唔俾個囡單獨跟爸爸，所以前妻就跟埋個囡繼續出席家庭聚會。我覺得你可以同你男友認真溝通下，將你嘅唔開心同不安話俾佢知，等佢明白你心裡面諗乜，男人係唔會咁細心估到你想點架，俾個機會佢明白你嘅憂慮同不安再睇下佢之後點處理啦。
我有朋友都同有小朋友嘅離婚男一齊，仲結咗婚好幸福。希望你同男友都可以幸福