咁其實你介唔介意四個一齊出去？又或者你男友肯唔肯？
其實佢前妻有冇可能想復合？
你可以直接同佢講你嘅感受，有商有量，你屈住係心入面仲唔舒服，兩個人一齊最緊要多溝通同互相遷就。
其實你同佢有冇為你哋嘅將來傾過？ 如果有，有冇諗過點樣安排佢個女點樣安排？
我有朋友同離婚男一齊，男嘅有兩個小朋友同住，佢同我朋友結婚，只係諗住屋企多咗個人住咁簡單，我朋友為佢頭家供獻，但佢冇特別為我朋友做啲乜嘢。
一有小朋友就好難處理，如果你連依家情況你都覺得難受，不如忍痛分開，因為將來你要面對既會更多…
1）小朋友點同你相處？
2）你同佢結婚後，前妻反應又會點？
3）你將來生唔生小朋友？如果會，咁會有好多比較…
仲有一連串問題，只會磨蝕你對佢既愛同包容
我自己而言只會同冇小朋友嘅離婚男一齊，有嘅一定唔會考慮
自己都唔想生何況湊人嗰個，難聽啲講：做人後母影響自己幸福一世
1個讚
我覺得無咩可能4人行。
但我都好唔明知佢前妻點諗緊咩，離婚係佢自己提出，但又要堅持3人行出街，又會出席男家大小聚會。
暫時無傾過，雖然識得耐，但真正開始只有1年。
如果唔去諗佢同佢地前妻關係，其實佢都對我好好。
但每次一諗到佢地既相處方式，我就有d想不如放手算，佢有時太理性，我同佢講完我既感受後，佢都無咩反應，成日話我自己諗太多。
男人更係求其一句hea 你算啦，佢咁 so 乜都齊晒，你又肯就佢，使乜理你
3個讚
其實佢都有對我好既時候，如果撇除佢有個小朋友，佢都係一個好好既另一半
咁又點？佢唔搞掂之前啲嘢你唔會得到幸福
有邊個男人冇事冇幹時唔係對個女人好好？你試下迫佢，佢即刻現形呀
我就唔會同人分個男人了，又前妻又女，仲要佢冇心處理同唔覺得有問題
3個讚
你都有你道理，但我應該要點迫佢去處理好?
我諗唔好發爛渣，男人最怕
你坦白問佢有冇同你長遠一齊嘅打算，例如結婚，如果有你話佢知你有乜接受唔到，例如成日要就佢前妻/女，或者佢對前妻狀況反應大
如果佢唔積極面對&處理就算，唔好累你
我一定唔會屈埋扮偉大，幾十年幾時扮到老
你問佢真正原因係咪唔捨得前妻
如果你同佢傾過表明你唔想佢住係舊居，但佢堅持要住就一定分手啦！
我想糾正你，唔係佢太理性，而係冇理你感覺，樓主清醒啲。
呢個世界得一個男人對你好？你肯定你後生細女冇機會搵第二個？個男人如果愛你，佢自然識處理，唔會令你難為情。
早啲放手，無謂自添麻煩。
2個讚
分手要狠呀
小妹妹
對我黎講, 離婚唔係最大問題, 最大問題係有冇仔女, 第2 係邊個飛邊個先,如果之前唔係因為女方出軌分開, 下次都好易同你分開
明日既，但你應該記住，佢係為左小朋友！唔係前妻！證明佢係好男人！
如果佢唔理上一段感情既小朋友，你會唔會驚？會唔會重新考慮呢個咁狠心既男人？
不過可以借呢個機會，同男人講下自己既感受（的確男人係要畫公仔畫出腸）
對你好還對你好
現實還現實
你如果真係好想好想維持依段關係，你就衝破自己關口，其實暫時所有問題我都唔覺你男朋友有問題，因為佢要做個負責任的父親重要過負責任的男朋友，你揀得依個男人就要承擔埋佢依個責任，調整好自己心態先，如果唔係你男朋友就算做咩都滿足唔到你
1個讚