前男友一直有暗示要買樓結婚，拍拖3年多，但一直都未求婚。前排收到消息前男友家姐要與結婚，可能要入住前男友原生家中，前男友便開始諗買。最後買到，我大約比左首期1/3，話供1/3。前度媽話我比首期少供得少，所以要求未結婚要供一半，之後想我裝修費一人出一半。最後，因為我比唔到多首期，又唔肯讓步，而又驚動我家人，因為男方突然咁樣，我家人覺得唔尊重，又未說幾時結婚，都唔肯比錢。最後有一晚前男友家人要求我地做分權，因為之前諗係結婚用，我唔肯。佢家人提出要求我翌日於臨約拆名，搞好手續，比返我付出的首期，但没有說明何時付，當晚只要求我做拆名。我對我前男友及家人的行為死心，當晚要求我前男友即時比返錢我，佢家人表示錯愕，最後我有拎返錢。
最後因為各項原因事件，佢家人為左我唔可以同前男友結婚，佢媽同佢家姐夾埋話家姐結婚後要入去住新樓，唔比我住，我前男友反對佢家姐入住新樓，又搞到前男友被佢媽話當無生過佢依個仔。成件事係簽到臨約2星期內發生。最後，我都選擇分手。
但之後我因為有埋怨，所以分手期間都有Whatsapp 前男友，前男友到現時都有睇Whatsapp，期間更約我出去再傾，又講返原因結論。一直都處於分手，但佢一直都有睇Whatsapp ，唔知佢咩心態
期間發生的事由男友轉述，事情真假我已不知。究竟依事上我做錯甚麼佢家人要這樣對我，佢之前家人都對我不算差，我唔明。
1個讚
其實你最錯係一開始未決定結婚就俾左1/3首期，係錢銀面前，有人連自己屋企人人都可以出賣，何況一個未結婚嘅’外人’
唔駛諗你做錯啲咩，亦唔需要將責任揹上身，老實講，呢個男仔要唔過，因為係最重要關頭佢都無保護你，任由佢呀媽蝦你，即使俾你地結到婚，你婚後都有排受，早分手好過再浪費時間
19個讚
講錢永遠失感情，你前男友屋企人太多事，買樓結婚應該係你哋2個人嘅事，如果你哋自己夠錢就唔好驚動D老人家，唔夠錢寧願租樓好過。你前男友無好好同佢屋企人傾，又無好好保護你，如果你想復合就好好考慮清楚。
2個讚
唔好再諗點解，無結婚你執返一身彩啦
結婚前佢已經無辦法保護你，婚後佢媽媽同家姐會更名正言順地恰你，好肯定你到時只會比宜家更慘
你未結婚已經肯攞錢出嚟，前男友都唔好好珍惜你，聽晒佢屋企人擺佈，難聽啲講真係玩你，你諗吓佢咁聽屋企人話，以後結咗婚你咩都唔會話到事
你醒目女嚟，中間無比佢哋逼到再攞錢，自己揀分手，我諗你都明因為錢銀而分手嘅人唔值得你再諗
7個讚
如果係咁，呢個男仔真係唔駛留戀，連直接講分手嘅勇氣都無。
唔好再諗點解，咁樣只會困住自己。亦唔好覺得因為自己唔肯俾錢所以先搞到分手，放手等於放過自己。
1個讚
緣份唔夠亦好 佢家人係點亦好 分左手就唔好再留戀 除非佢做出d突破性既表現去證明佢既誠意（so far我覺得佢唔夠保護你 亦無誠意要同你好好走埋下半世）
因為要結婚 應該係雙方負起責任對對方不離不棄 因為知道對方先係走下半世既人 唔係就咁現實既買樓住埋註冊 而佢既表現我覺得佢未明白依件事
同你有一日搵到一個可能無條件接納你 唔需要計黎計去 對大家互相尊重公平負責既人 甚至肯買埋層樓比你住只因為你係佢愛既人既時候 望番你就知道而家幾咁傻
1個讚
慶幸未結婚就見到佢一家嘅真面目。
好好療傷再重新出發。
3個讚
你都叫得前度，使L諗咁多
世上男人多的事，使乜攞苦嚟辛
層樓你有份出，又唔係佢哋男家比錢/住，比我一句話：關你哋叉事，有本事自己比晒
2個讚
掉轉頭諗，比你睇清楚ex成家人都係好事，結婚後先醒覺就太遲。
move on la 樓主，同呢個ex 開心過就算，過唔到人世。
5個讚
A_lcy
14
可以傷心，但千祈唔好留戀，你個ex 同佢家人都有問題，如果結得成婚仲煩，兩個人組織家庭點分配d 錢關佢哋L事咩？你ex 又會咁樣分手都唔方企老婆嗰邊。
1個讚
既然都分左手，條數梗係同佢計清楚，離開一個咁嘅男人，應該要恭喜你先啱
2個讚
希望樓主快啲搵到個保護到你的人
照情況睇 就算你同ex結到婚 之後日子都唔易過
1個讚
咪係，依啲男人未結婚都攪到咁，真係早走早著。
唔好諗點解、如果嗰啲喇，諗嚟都已成事實，bye bye佢條尾啦，搵下一個吧
1個讚
妳好叻，過程中有幾個位無讓步同堅持自己想法 
咁既家庭給左過去都吾會開心， 咩都要管， 斤斤計較
2個讚
