上次講過個topic係放負朋友https://www.babydiscuss.com/t/topic/25268
今次想講下，一啲講秘密嘅朋友。
以前細個時，朋友同我講秘密，我會好開心，覺得人地信得過我。
宜家人大咗，雖然都明白別人的無助同信任先會同我講秘密，但真係好唔想聽，覺得好大責任、好大負擔
有冇人都會有咁嘅感覺？
2個讚
我十幾歲已經覺得呢啲秘密好無聊 
知左又唔會幫到我啲咩 有呢啲閒情去做下其他野仲好 
3個讚
好怕朋友講秘密我知，通常我會加句我好口疏，咁就避到好多秘密。
1個讚
家姐同我講阿媽是非，
叫我唔好同媽講
阿媽問我家姐有無講佢壞話，
打去俾家姐問我有無講佢壞話。
如果俾阿媽知道左大發脾氣，
日日比說話我聽。
做呢個位有煩，
唔知最好，唔洗煩。
有次佢懷疑我同家姐講佢壞話，
事實上係，我死話唔係。
佢不停問我有冇講，
你唔答我去問你家姐。
因為比佢知道會連我哋兩個鬧埋。
發勁大脾氣，隔離屋都會知。
好多次都係咁。
怕左佢。
1個讚
重會周圍講你，報仇。
你阿媽好變態，呢d 唔係叫守祕密，兩姊妹唔互相呻下唔通周街唱有個咁嘅老母，佢成日追問你哋其實都知自己幾多衰嘢俾人講。
2個讚
大家輕輕鬆鬆吹下水就開心，講到秘密我都覺得有負擔
2個讚
你的媽媽 完全好似離間兩姊妹感情咁 煩c
下次求其hea答 或 扯開話題
回應番主題先
我得番幾個朋友,佢地講秘密比我聽,我會比佢地呻下。
而家我都好少同人講秘密,如果佢地分擔唔到,我寧願自己收埋,寫下日記,無謂加重別人負擔。
而家大家都長大,講得比人聽既秘密可能不是大秘密了。
好朋友都會講下心事，可能佢都係想搵人呻下，太私人嘅自己知就算，唔會同其他人講。
1個讚
我覺得同管錢一樣
d秘密又唔關我事，又要擔心唔知幾時漏左出去
3個讚
係講得啱 
但人大左仲會同你講秘密好明顯當你好朋友
1個讚
如果佢一開始話有個秘密講我知，我宜家識得去直接拒絕，自己真係無心力，唔想負擔太大
但最慘有啲係講件事我知，講完先同我講，佢唔想其他人知，依件事得我一個知嗰種，被迫聽嘅秘密
exactly
你形容得好貼切
最慘大家有common fd，好驚無意中露咗口風
1個讚
所以我都有諗，係咪自己唔夠義氣、唔夠朋友，但我又真係頂唔蒲
我覺得以前細個所謂秘密都柴娃娃啲嘅，宜家人大咗，啲秘密都會深沉啲
1個讚
係，我自己講得比人知，都唔會係啲咩大秘密，真係秘密嗰啲，可能用個隱藏身份上網呻
3個讚
所以千祈咪叫我管錢
唔一定㗎，我成日都聽到秘密，可能我真係好口密，佢哋當我係黑洞咁，話我有種特質吸引到佢地好想咩都同我講
連性無能/下面生嘢/吸毒/落仔咩都同我講。
1個讚
呢招好
咁我要學下你。
咁你真係好守得秘密，但聽聽埋埋咁多會好辛苦