想請問一下，屋企想裝修的話要做乜嘢？
點樣搵公司可以防止被騙/爛尾？
因為朋友用過嘅都話唔多好，搵唔到人介紹。
你想大爆定點？
上facebook打 “<屋苑名>兩房設計” 之類字眼 睇下有無收獲 攞個概念先
我覺得不論請唔請設計師
都理想都要勤力少少不斷睇人地d屋點整 而家網上都有好多裝修前後video參考
網上可以睇香港樓 netflix可以睇外國樓 就算外國樓都可以睇到風格 或者睇d organizing show 會諗出好多收納既idea （收納係香港特別重要 最忌係裝修完之後先發覺唔夠位擺野或者唔岩用）
咁你會大概知道自己想要既物料係咩 間格係咩 有邊種風格可以用
當自己有個完整既概念知道要d乜 搵起上黎就會容易好多同埋會少d機會比人呃 因為你自己會知道邊d打邊d 有邊d你需要 有邊d你唔需要
下一步就去搵多幾間裝修公司去睇 記得要拎報價單 逐樣睇 間間點收都會有分別（有d係寫得好仔細逐樣寫幾錢 有d係一條條大item寫個大數）
溝通過程中你就會知道邊間岩傾d 因為之後合作會有好多野傾 唔岩傾會好煩 我個人唔中意d師傅唔聽人講乜都覺得自己先識果d 有d就會有傾有講 睇下你同邊個夾囉
但做足功課先一定無壞 佢話你知可以點整同你自己諗定想要點整都可以好大分別
2個讚
我都係裝修中 我覺得你最好搵師傅肯俾你睇手工 有朋友識裝既就帶埋佢去睇
同搵完幾個師傅報價後 自己細心對比幾份報價 然後再每個師傅問人地有但佢無既野 唔明白既terms就google下再問師傅 咁你就心裡面有個底個師係咪認真答你 我個時前後揀師都玩左半個月有多先決定
1個讚
同埋我直接搵裝修師傅做 所以同佢傾咩點整都好 我一定係俾相俾圖佢跟住黎搞 咁會減少好多誤會
而且自己要跟緊少少
得閒就去裝修gp a 個d望下人地裝修有咩問題 到時可以remind師傅
至於設計我睇pinterest
1個讚
揾多幾個師傅/裝修公司報價
同佢哋傾下睇下感覺如何
有時候係撞手神
PS小心網上騙案
我裝修過3次，1次直接用師傅，2次用設計公司，我有少少心得：
- 按完工階段找數，盡可能同師傳／設計公司傾拆細d 每筆數，e.g. 按金20%；水電完工20%；廚廁完工20%；訂造傢私完工20%；尾數連執漏20%
- 搵有舖頭既師傅／設計公司，間舖最好開左一段時間
- 搵有用社交媒體既師傅／設計公司，著重口碑既公司會比較好，你可以暗示你會上網留用家分享
- 用設計公司都要拎埋師傅電話，方便日後跟進
- 搵人介紹（你如果真係搵唔到人介紹都可以pm問我）
謝謝大家的建議
1個讚