剛剛被老闆通知失業.
出黎做左野1x年, 啱啱呢間公司比較長, 7年, 一時間都唔知道應該點反應, 同之後應該點… 都有少少唔開心, 但又無想像中感覺咁大…
曾經失業嘅過來人, 有無啲咩分享下
我 03 年失業咗兩次，都唔知講咩好
要注意一下自己唔好太hea, 要積極返 d，收拾好心情去搵工
想安慰下jm
呢個時侯，如果經濟唔係太大壓力，當休息一下再重新出發。
之後搵下part time 或增值一下等個市好返 d就快啲搵返工。
去食d嘢，諗下下一步。
經濟ok，做part time，
唔係嘅就要開始搵工。
有唔開心上嚟搵大家傾，唔好屈係心。
係公司營運問題定係你嘅表現問題呀？ 而家經濟環境咁，公司要 cut 人其實都無奈嘅… 之前有無風聲，有無心理準備？
JM唔好太唔開心, 而家經濟大環境係差左, 好多地方都裁員
同一公司做7年你CV點都唔錯, 人地都睇到你唔JUMPY, 同HR保持良好關係啦, 市好返時公司可能會請返你(我都試過係咁)
當係休息一下
然後繼續出發
加油
休息下再搵工，我公司走左幾個同事都係搵到新工，相信你都好快搵到！
休息一下再出發
生活中總有不如意事，但可以將佢轉化成能量
唔係可以問政府借錢? 之後去英國, 時間岩岩好
改變唔到事實, 就改變一下心境… 可能係塞翁失馬焉知非福…唔好俾自己太過灰…加油… 有咩開心/唔開心都上嚟傾吓啦…
我都係咁諗，如果自己嗰行真係好難搵工，不如去英國搏下，好多人唔捨得走因為香港有份唔錯嘅工。
呢段時間當休息一下，我公司今個月都要所有員工放no pay，我經驗少都搵到工
你有1x年經驗會更易搵，加油
唔好亂諗野減低負能量影響到健康，襯有時間做下運動keep fit 令自己更陽光煥發。加油！
我今日都正式last day ar…一齊加油！
(拍拍) 明白係會唔開心~ 一定會諗點解我係我~
不過換個角度可能都係一個新開始! 加油!
可以襯呢段時間休息下
加油
休息下再搵
或者好似上面話齋，是天賜的移民契機
祝福你
休息抖下
重新出發
我以前都試過失業,你係公司生意唔好先被CUT,唔駛唔開心!
我當年係俾人講壞話講到被CUT,我真係唔開心左幾日,做下運動執下屋會心情好D,我好快都搵到新工~