我喺呢間網店有3次極不愉快嘅經驗，
第一次係最離譜，話說我收自己發現份order 唔啱，就pm 佢哋，跟住用咗一個月時間話check，中間無主動回覆，我隔個星期左右就問check 成點，有時已讀不回，有時話第二日覆，係咁追問下先話有份order 唔見咗。唔緊要，咁退錢啦，俾哂戶口佢話計好哂數就退，結果又係用一個月嚟計數，我自己久唔久就問幾時退，又係有時覆話下星期/第二日，有時唔覆，成件事由5月到7月我最後一個message 係限佢哋一日之內安排退款，先退番。
第二次係佢主動同我講有個order 取消，俾acc 佢退錢，一個星期後又係無退，今次即刻pm 佢要求即日退款。
第三次，我一共order咗5樣貨，因為船期一樣全部夾單，有通知對方，有覆ok 又有無反應，咁我expect 都ok 啦！前兩日佢出貨時影相得2件貨，我咪提醒佢仲有3件，先話我知有件delay 有d 入唔到同一個櫃。
其實唔係俾多次運費問題，係佢哋好無交帶，要客人自己跟到好緊，cs 好差，我唔期望有咩好好服務，但起碼話我知要入運費。我揀佢係因為佢有得揀順豐以外嘅courier ，佢唔話我知要俾錢我到時要俾順豐到付，我十萬個唔想。
唔知可唔可以用黑店嚟形容呢間網店，呢幾年我都幫襯好多，如果無事咪順利，有事就要預時間同佢哋同旋。
有冇人有第間代購介紹？主要買下外國skincare, 細路嘢。