我想引大家入去睇哂全文…辛苦記者白影寫完免費比大家睇…
真實事例，初見無聲無息地停咗一個海外仔仔嘅資助，仲叫當地家長唔好再幫佢
以我所知，另一邊箱，初見就呢個仔仔嘅事例開post ，但當時嘅口吻係「教導」而唔係「全停」！
求大家入去睇全文
♂諗清楚資源應該流向邊度，先可以達成我哋嘅共同目標
https://m.facebook.com/story.php?story_fbid=3885744408135743&id=116178588425696
1個讚
受訪家長公開自己身份，因為咁樣先會有人信
但背負自己與仔仔們嘅安危
以換取一個機會，去公開初見Ken係點樣嘅人，同埋佢平時做嘢嘅手法…
請大家click入去睇，thanks
其實大家都有文字恐懼+無耐性，有冇懶人包
？
冇
關於盆菜事件，超賣情況都仲未問到…
J記者只問佢，搞盆菜有冇牌，都左兜右兜
想知初見Ken係咩人，直接睇part 2 「初見訪問」
一字一句全記錄，eg…
J：「不如我地講返多盆菜事件，因為都係一個好關鍵嘅時刻。係事件上，你曾表現過一分一毫都無收過嘅，所有嘅錢都係客戶直接入去供應商所提供的戶口。而且你都講曾經早於一個月前就親身去過間鋪頭，而當時有食客都反映返啲盤菜好好食。呢度有幾個問題想問你嘅，首先係你有無睇過佢地食物上嘅相關牌照？」
Ｋ：「應該咁講，好多公司同整食物嘅，佢地都係用緊個餐廳去整野食，已經符合法例……」
Ｊ：「我個問題係佢（供應商）有無牌同你有無睇過？」
Ｋ：「其實好多都係咁……」
Ｊ：「我個問題好簡單，有無牌同你有無睇過？」
Ｋ：「間鋪頭已存在十年以上，而《幫緊你》都同我講係用嗰間。而我地係親自落過間鋪頭去睇，人地成十年，如果無牌食環都做咗野啦，你唔好玩我啦。即係好似我之前幫除媽媽幫過佢嗰邊嘅盤菜，我都唔會問佢攞牌照去睇。」
Ｊ：「係邊間鋪頭？」
Ｋ：「我唔想再有人攪嗰間餐廳，我公開了又點？人地借個名出黎，借埋個鋪出黎，去到最後要被人咁樣去攻，佢地都好慘，你明唔明？Base on（基於）唔出賣同唔分化，我唔想再攪到間餐廳……」
Ｊ：「咁除了原本嗰間餐廳，之後其實你地都搵過其他嘅供應商啦，都係問返嗰句，你有無睇過佢地嘅相關牌照？」
Ｋ：「我無睇過，但全部都係曾經合作過，佢地有自己廠房，有晒牌照，基本上有齊……」
Ｊ：「即係你無睇過？」
Ｋ：「你去美心食野，都唔會問佢攞個牌照……」
Ｊ：「因為美心個牌會擺出黎，所有食肆都需要咁做。」
Ｋ：「即係……即係……」
Ｊ：「所有食肆都會擺啲牌照出黎，你提到美心，你只要去任何一間美心嘅食肆，都會見到佢嘅牌照擺哂出黎。所以我只係好簡單咁問你，你搵任何供應商嘅時候，有關食物嘅時候，你有無真係去睇過佢地嘅相關牌照？而你個答案都係無嘅。」
Ｋ：「係有嘅！話比你聽！曲奇餅係有嘅……」
Ｊ：「我係問緊盆菜！頭先已經講到明，我係就盆菜事件而問。咁喺盆菜上，你有無？」
停頓數秒後
Ｋ：「嗱，我講咗比你聽，我係落過去人地鋪頭睇……」
Ｊ：「你仲係迴避緊我問題，我好直接咁問你野。你越講得多野，我又照寫哂，啲人會越覺得你迴避，而唔肯直接了當去答野。我再問多次，在盆菜事件上，由最初你提到你有落過去嘅鋪頭，到之後再搵其他嘅供應商，你有無睇過食物相關牌照？」
停頓數秒後
Ｋ：「成個牌照攞出黎睇，我地係無嘅。我落過去睇，我自然會覺得佢地有牌。如果你係要咁樣迫我去答無睇過，你寫到我無留意，我都無辦法，我都自己親身去睇過…」
Ｊ：「我最出名地方就係唔會斷章取義，頭先成段對話都會寫哂，之後由讀者自閱。所以我先喺未有記錄時嘅私下對話中，叫你唔好答野兜圈……」
Ｋ：「明白，有你呢句就得！咁我真係無睇過，我真係有親身去睇，甚至有問過啲街坊意見，但我真係無睇過啲牌照。」
太多字，睇左一半，晏啲再睇
睇完，你唔覺個記者太偏頗？
我冇睇哂。不過之前都聽聞個細路在家長屋隊草單野，仲話佢亂洗錢，用家長錢吃喝玩樂，所以被初見cut 支援及迫遷。係咪初見抹黑就不得而知。
初見盤菜搞到滿城風雨，軍火佬都開live 閙爆，真係抵鬧既。冇經驗，高估自己能力，又想賺錢…唉！
只能講，黃人吾係聖人，黃人做生意都係要賺錢。吾好幻想黃人做生意吾賺囉。黃人都貪錢的 
你唔覺得ken 左兜右兜？
次次出事，都推「年輕人」「無經驗」「計錯數」出嚟做擋箭牌
點解冇經驗冇常識嗰個唔係Ken佢本人？
有少少常識都知，咁大壇盆菜，至少要搵個有經驗嘅人帶住，而Ken知做盆菜嗰班係佢嘅「年輕人」
無論收錢計數、煮食、運送，每一步都係錯
食物中毒、大變細、no show，刑事罪嚟，呢d風險Ken全部冇計過
負責人要上身，Ken即刻篤咗「供應商1幫緊你美食速遞」出嚟
然後又搬返「不割蓆」理論，死都唔肯講有牌嗰個係邊個
雙面人
（由我講會更偏頗，所以咪想你地睇咗先）
開頭打住「幫年輕人」嘅旗號（ken自己講
）
而家又唔係啦，咩人都幫（ken自己講）
「年輕人」「罕見病」「特殊家庭」「基層」「公公婆婆」
總之你地比錢啦
呢頭話「年輕人」要食白飯，嗰頭有錢去派利是比基層？（ken開post刷存在感）
黃乜嘢？大愛L嚟㗎咋
Ken係用大家嘅錢去堆砌佢自己嘅知名度
幾多人喺背後做緊同一樣嘢幫年輕人
因為d記者知好多嘢唔講得
邊有好似佢咁揚，連方舟位置都自己爆，仲要同軍火佬講，咁揚係特登比人冚檔
記者邊有咁神通廣大，d資料全部都係ken自己爆
記者只係做整合分析
「年輕人」都要諗下，自己d資料交比一個咁嘅人，安唔安全？
隊草好小事，咁就封殺一個小朋友？！初見fb page, 我一直有留意開，我個人覺得佢地都係膠膠地，有時做d野難以理解，我信前家長果邊
1個讚
初時係仔仔自己同ken講自己隊草，ken 叫佢唔好上癮
咁又開一個post話仔仔情緒有問題 完
但仔仔前家長海膽話d草唔係用家長錢買，係當地朋友比佢
咁已經係兩個故事
即是其實ken知唔知…唔係乜嘢都可以用嚟刷存在感
唔係乜嘢都可以開post 講
有d嘢係要先了解，解決問題，然後再講都未遲
佢冇呢d常識㗎
又講一單，佢自己開post
一年前幫仔仔買咗波鞋過千蚊，依家穿咗，問仔仔洗唔洗買過對，仔仔話唔洗，再著吓先
咁即是點？
仔仔已長大識計數
不過初見ken冇長大過，繼續洗腳唔抹腳
最膠係咩？仲有一班圍威喂日日
運動鞋單野，我果時都諗緊買買成千蚊既鞋，洗唔洗ar, 吉之島d特價 adidas先係3,4百蚊，所以話佢地d野有時難以理解
1個讚
呢單我睇到果時都覺得離譜，好慚愧，我自己d波鞋都唔過千。
1個讚
盆菜單野，我一路有睇開。
先唔講「幫緊你」同「初見」是否識得，有冇錢回俾初見，盤菜商有冇食物加工牌。
事實係盤菜商買唔夠材料，可能冇諗到有咁多訂單，又或者諗住食客係黃，所以料不足又細盆。及運輸又做唔切，攪到一係夜晚9、10點才送到貨，又或者係盆菜已變酸叔。
初見成班人柴娃娃，最初完全唔諗住補救，只抱著同路人要包容
，又將所有責任推晒俾供應商。
再加上話自己經驗不足就以為大晒，頂……
Ken話初見有盤數，交核數師audit吧，及後再公開給公衆知。
2個讚
有好多人冇洗錢概念，及啲錢又不用自己辛苦揾番嚟，見啱就買，又可以開post話買俾仔女著(刷存在感，幫緊人)。
1個讚
佢地（ken+初見粉）連去駱駝漆買斷碼鞋都唔識
仲有人覺得佢地識得分配資源教「年輕人」？
（唔好怪我成日重複「年輕人」
係ken過往次次開post都「年輕人」 ）
既然Ken主旨係要包容「年輕人」
咁第一柴娃娃就係Ken
嗱，我都未去過駱駝漆買特價波鞋，但普通運動用品店門市大把特價貨，唔洗買到成千銀嘅波鞋囉。
1個讚
我認我cheap! 新年前我去大型運動用品店，買一對 pumx 波鞋，價錢係 $268 
1個讚