定係我把尺太嚴謹
如果係我出post我覺得最多6成新
鞋口位著到闊晒都叫9成新？
4成差不多，不過免費送畀有需要嘅人都算係咁。
好似好殘咁
送俾人係無問題
我寧願佢寫新舊如下
寫到9成新然「都」送人，好似好「皇恩浩蕩」咁lor
6個讚
係lor
污糟到咁，點都無可能咁都話新
係咪GGDB黎㗎
我老公當年話我full price買二手鞋
no la
千色店買
難怪d 網上trading經常有不愉快事件，大家把尺爭太遠
著到咁我送比人都唔好意思
我會清潔吓先比人
5個讚
樓主把尺都係太寬，我覺得係1成新都冇
我試過買2手童書，佢話9成新冇折冇花，我信佢，真係冇痕冇花既 但已係放左10年發黃的書… 
3個讚
又一次見證語言藝術嘅奧妙
2個讚
送畀人又冇未要寫幾多成新～
我會清潔一下先free出去，著到咁真係唔好意思free畀人
我覺得好舊，講唔上新字
咁舊，我唔會賣比人
有時睇呢啲post 真係好好笑 ：D
咁都9成新？！ 5成新又係點呢？
9 成我expect 只穿過1過 1-2 次，鞋底污糟 only 而不是著過N 次鞋面變咗灰色。
不過免費嘅，有相你睇埋，你情我願 
1個讚
D鞋咁嘅狀況,掉咗佢都唔會送畀人, 幫人可以有好多方法
1個讚
雖然唔認同「9成新」，不過理解到賣家點解唔覺得舊嘅，如果如佢所講淨係著咗一個學期，估計鞋底冇太大磨損，睇佢圖d鞋嘅邊位都完好。
佢最大敗筆係冇清潔乾淨就轉讓，就算免費送出都係，呢個係衛生問題，就算送人都應該有基本尊重。
咁樣送俾人我感覺係侮辱人。
香港地基層都唔會基得去邊，我真係自己唔食都唔忍心俾仔女著呢啲。
但我會信有d唔太錫仔女既會要。
我細個好窮（以家都係
），老豆係會去工廠執人掉出黎既次貨衫，一大箱咩都有，自己洗下補下，起碼新淨。
2個讚
同意… 我送得俾人嘅嘢, 都要唔好太殘太污糟呀…
我仔剛掉左一對返學黑鞋及兩對出街波鞋，其中一對响日本買，3對好新㗎，每對著左十幾次咋，我都費時free比人
我嗰區既free group 都有人送D咁殘既鞋，白鞋變灰，黑鞋鞋頭花曬踭又蝕都有。見過有人送女裝boot, D皮甩咗好多，仲好意思話係靚鞋忍痛送出