一段時間冇黎呢度，我呢度多咗咁多post真係好開心
話說小妹近排打算簡單簽紙結婚，但係家中長老都話唔擺酒都要有個餅卡俾人食，其實我就唔係好想㗎啦。
不過如果係要嘅，想問吓大家有冇黃嘅餅店，有餅卡買既介紹？
唔想留俾長老買，佢哋實買黑心呀嗰啲
🥲🥲🥲🥲
唔該晒大家先多謝
1個讚
可以買阿布嘅coupon
因為細餅店太少分店又唔太方便
4個讚
大班，唔係黃但好過黑心集團
如果有連鎖嘅黃餅店，我只係知道Twelve Cupcakes，唔肯定O唔OK。
PS：大班舊年都係大台sponsor，雖然都好過其他集團嘅
1個讚
A1, 唔係黃但好過黑心集團
其實我最想買誠哥禮券，個個收到一定開心
1個讚
好，多謝你，我望下先，就係見黃食店好多都1,2間，又未必有餅卡呢樣野添
1個讚
多謝大家
我做下資料蒐集先，A1大班都好心水，分店都方便。
大班太子爺我覺得佢發聲都ok丫，佢後尾話言論不代表大班都可接受，明白既，好過啲擺明黑心既
1個讚
【阿布泰】有婚嫁版禮券，要預訂
我就覺得實用過餅卡
3個讚
如果俾我選擇，我都寧願要百佳好過A1或大班，哈根大師雪糕卷都好，嗰2間好難食。
阿布泰個分店網絡應該算係黃店中覆蓋範圍最廣闊，除左日常生活用品佢間中會有細黃店品牌上架真係好幫得手。上次經過見到有望月朱古力幾意外
1個讚
個人經驗 小小建議
婚嫁嘅事 好多時長輩唔只係睇實唔實用
仲會想跟返傳統 嫁女禮餅喺唔少長輩眼中依然不可缺少 支持黃店當然好 但最好同長輩溝通咗先 超市雜貨禮券佢哋可能會覺得唔夠大體
我會視為打破同溫層嘅契機
咁唔好買卷，都有黃店做嫁女餅，
好似生隆有得買，過大禮後派街坊。
生隆係冇做嫁女餅嘅, 只係傳統唐餅
嫁女餅黃店暫時得IG shop Jbear.kitchen, 尚囍過大禮專門店有自己尚囍餅家
而我search過尚囍餅家係早期Youtube channel - Bomba 個爆江有份主理, 爆江亦係石硤尾均香餅家太子爺, 均香就冇表態過嘅
1個讚
我上年都買A1
我買A1 Bakery既.
上年11月婚展期間係SHOP買.
要預返大約一個月時間.
好多同事都好鐘意.
係呀，都要睇埋多唔多分店
還好啦，因為我唔擺酒已經唔跟傳統哈哈哈哈哈，所以就睇吓有冇啲餅店係可以幫襯同路人，如果係唐餅可能主要都係奇華，我就唔想🥲🥲🥲
如果有餅卡就好，因為都唔想自己拎住幾百個餅走去周圍派好重
我果時長輩指明要餅卡 朱古力雪糕超市酒店餐飲券通通都唔畀 而我亦唔會為咗咁而爭拗
反而佢哋無要求唐餅 所以呢方面唔清楚 