為左俾小朋友放電，忍左一年後，都係找了間酒店staycation 。不過遊戲室泳池都無開，所以要找一間房裏面有新玩意既。
找遍全港，呢間係全港最平兒童主題遊戲房，$700包兩大一小和早餐，加多$50可以住多一位小朋友。
我選了樹屋主題，於link上所見，房入面有間樹房可以爬可以瞓，小朋友爬上爬落丟樹型抱枕就去左幾小時。
在酒店內部宣傳影片見到，跑車主題房會有部賽車街機任玩，足球主題房會有足球機和微型足球場任玩，太空主題有望遠鏡和天花版星空，音樂主題有樂器和帳縫，化妝主題有張梳妝台，海洋主題有遊戲機和桌遊，泥頭車主題好似有車既玩具。
我一家既行程，就係先去沙灘玩（汀九灣儘頭有一個非政府泳灘無關門，一個小石灘黎），然後坐酒店車去荃灣donki買野同食晚餐，同小朋友講呢度當係日本啦～ 夜晚返酒店房玩，第二朝去周圍公園和麗都灣沙灘行下。
不過有幾個缺點：
- 無浴缸
- 入酒店不用do 安心code，入餐廳要。我當時無帶電話，寫紙就得架啦
- 附近無咩食，記得去荃灣買/食。提議去donki買壽司。
- 酒店會要求你提供住址，做防疫措施
- 早餐不是自助餐，不過都夠豐富