仔仔而家1歲零20日大，由滿1歲開始嘅時間表如下：
7am 埋身
11am bb pasta
3pm 下午茶 e.g 包+牛奶
7pm 飯
10pm 埋身
自從變成每日只埋身兩次開始 (其餘時間都冇再泵), 感覺極速收奶
啱啱早幾日要返night shift, 7am 同10pm餐奶要變樽餵，原來佢每餐要食150-180ml, 而我返工時 跟佢食奶時間泵，每次只泵到70-80ml…完全冇諗過咁快得返咁少
而家靠少量冰奶stocks渡日…都冇幾多剩…同埋我最擔心係佢埋身其實係唔夠食
唉 其實餵咗一年人奶 我自問都收貨 好滿意架喇，但到真係可能要停嘅時候又好唔捨得
始終仲係好enjoy埋身嗰種好close嘅感覺，一𢲡高件衫 bb會即刻笑住咁爬過嚟…真係覺得好sweet…同埋實在太方便…一諗起7am晨早要走出廳開奶/暖奶 之後又要洗奶樽 就覺得好煩
各位jm覺得我係咪應該要停餵人奶呢？雖然話埋身會食得多過泵出嚟 但應該冇爭咁遠架可?? 如果真係停人奶，應該轉奶粉定牛奶好呢？我知道1歲後 固體先係主要營養來源，奶只係當零食補充吓咁，但真係要比較嘅話 係咪真係奶粉有營養過牛奶架呢?
1歲我就停泵，只係早晚埋身，我估都唔多奶，不過佢鐘意食野，歲半個陣條生長線反而去番50. 而家2歲仲有早晚埋身，我反而覺得好煩，好想佢快啲戒
但我個女唔肯，每晚都要嚟搵我啜到訓
同埋我個女係唔好奶粉，大仔都係唔鐘意，所以係飲盒仔奶，不過兩個都係麻麻地奶，我都由得佢哋
餵咗一年，好叻喇！
一歲其實人奶唔係主糧（就算飲奶粉/鮮奶都係），可以考慮只埋身唔泵。
我覺得如果你埋開身嘅，身體會識調節。嗰時我餵到兩歲幾，有時一日一餐一日兩餐，佢唔記得咗嘅兩、三日先埋一次身，我又行開幾日旅行試過都無泵，之後返嚟埋身都冇問題。
睇你時間表，其實臨瞓奶唔係醫肚，主要係俾安全感佢。
至於朝早7點嘅果次，因為你係埋身，可以繼續埋身，如果佢食完覺得唔夠，就俾啲早餐佢食咁。
其實我都一直諗住身體自己識調節 又已經1歲 就冇研究佢其實食幾多 夠唔夠咁…直至我返night shift 先發現佢食量同我泵出嚟係差咁遠 先有d擔心
泵出嚟同埋身差好遠㗎，我一直都唔係富媽，skip 咗一餐唔會石頭胸或漏奶。不過去醫生檢查時醫生一見到佢對髀已經話，一睇就知佢夠食
2個讚
其實我之前都係咁諗架…直至早幾日發現我原來得返咁少奶 而佢食樽又食唔少…仲有一樣嘢就係佢平時半夜都會醒一兩次 拍幾吓就瞓返…但我返night shift嗰兩晚 老公話佢係一覺瞓天光…我就更加諗佢平時埋身其實係咪唔夠飽先瞓得唔好
朝早嗰餐佢通常都係食到瞓著奶睡瞓到9點幾…呢餐我都唔擔心嘅 你話齋佢唔夠 可以補d包比佢食~
Shuma
10
我反而唔會咁諗，應該係小朋友知道你係度所以痴你食奶（埋身安全感）。
例如我小朋友、無刻意安排時間表，如我有事要做可以6-8個鐘佢都唔食奶，但我係度佢隨時都可能會叫要奶
又例如爸爸同佢瞓、瞓醒唔需要奶，同我瞓、人都未醒哂就要奶
無得比較架，因為bb 係「強力泵」
佢埋身嘅力同個泵一定差好遠，同埋平時習慣埋身、身體未必適應個泵嘅刺激。
唔需要停人奶，保留早晚埋身，不用泵奶，始終母乳有抗體，餵到就餵啦，要戒人奶都唔容易。
如果有飲開奶粉就俾奶粉，營養多D，又可以熱飲。到夏天間中又可以飲下奶，其實奶粉同牛奶各有各營養，唔需要比較或者單一，兩樣都飲都可以。
先一歲多少少，埋身長餵長有，唔限時間次數，唔存在唔夠呢個concept
人奶營養成份多/高過牛奶同奶粉好多好多
至於停唔停真係個人選擇，一歲奶唔係主食，戒埋奶都得
Shuma
17
都可能係!! 平時呀仔瞓我隔離，成日都會碌過嚟痴住我瞓…但老公話我返咗夜時 呀仔係完全冇走去痴住佢瞓
Shuma
18
我諗我都決定唔停人奶喇! 唔使返night shift嘅日子就keep住早晚埋身…要返夜時就冇辦法喇 可能要比牛奶或奶粉…不過如果食咁少量奶粉，開一罐 一個月內實食唔哂 咪好嘥囉
Shuma
20
多謝你嘅意見~~~ 我而家都諗住唔停人奶住喇…繼續相信佢埋身係夠飽
同埋其實都1歲，相信食固食得飽就ok~ 奶都係補充吓架姐…
Shuma
22
1個讚
到佢大d 再想佢多d痴住我都難喇…
我哋都要好好珍惜呢種親子時光