而家係咪唔興呢？以前d人咁做係乜，父母frd還frd
我都有朋友玩呢啲。
不止一個。
自己冇仔女？
有個就同契自己對仔女俾冇生嘅朋友。
一個就互契。兩個家庭，一個生仔，一個生女。
仲有有個係同學早生，個小朋友變眾人契仔
不過呢個係玩玩下。
我唔係咁想收契仔，感覺做人契媽都係一種責任，同埋同人地父母friend唔代表同小朋友投緣，如果我唔係真心鍾意個小朋友，呢個契媽好難做
3個讚
我老公 話有個契媽，但係d舊街坊咁，講到好frd 而家都冇聯絡嘅
換轉契爺契女無限玩法
4個讚
我都有個一年都見唔到一次嘅契仔…
如果係契爺契女會有好多無限幻想空間
一講契媽呢樣野就會諗起范范
1個讚
我老豆有個契女,年輕時best fd個女
一年都唔見一次
勁無聊
如果係感情好嘅叫 Uncle Auntie咪一樣
唔明契乜鬼
3個讚
我都有個契媽，係同我阿媽嗰邊有d親戚關係，上契係因為我媽當年同佢係香港無乜親人朋友，大家有時又會互相關照，於是就咁幫我地上契…由頭到尾都係我媽同佢有聯絡，我地d細嘅只係新年嗰陣見下面咁…
以前D人想有小朋友但未bingo都鐘意契親友D仔女，希望沾下孕氣。
我仔有個契媽，出世無耐已經買左塊金牌仔俾佢，勁鍚佢，我仔又好痴佢，連佢呀媽都好鐘意我個仔，佢地係夾到我仔肯單獨跟佢出街。
但我自己就無做人契媽，因為契左我就覺得有負任。
純粹個人睇法，覺得呢種契乜契物既關係好無聊
5個讚
我個年代係興契哥契妹
有班朋友都鍾意契嚟契去
其中一對夫婦係大眾契媽契爺
幾個family嘅小朋友都叫佢哋契媽契爺
有時覺得好兒戲，係咪叫就係上契咗
另一個朋友有個契女
個story都幾upset
佢個摯友sis一家三口有個女，親人唔多
後來個sis有cancer，病情反反覆覆冇乜好轉
朋友一路都有陪住佢
到差唔多走嘅時候，sis同朋友講，話好唔放心剩返老公同個女，驚佢老公攪唔掂
佢老公當場就講，你唔洗擔心，契媽會照顧我哋架啦
個朋友本來都冇心話要契佢個女，但佢老公咁講佢都焗住認，話會幫手照顧佢哋
咁就上契咗
契女身體都唔好，我朋友會定期陪契女覆診
又會帶契女去玩去旅行，都好盡責
2個讚
哇，咁大責任
但當時都好難推
你個friend好有義氣，雖然一開頭未必想，但講到就做到
以前D人真係會正式上契,依家好似講吓就當係咁
佢哋覺得得閒買禮物送俾個BB就係人契媽架喇 
1個讚