有冇貓奴可以幫忙解答我？感謝
貓貓新年前因為唔肯進食，所以睇左醫生，照左超聲波，驗血，驗尿，發現胰臟大左少少有發炎，腎指數唔靚，一邊腎縮細左，一邊正常少少，醫生開左抗生素，消炎藥同開胃藥，但開胃藥食完都一樣無胃口食野，差唔多日日都唔點食野，我真係好無奈，好擔心唔知點算，貓貓本身脾氣好大，上次帶佢睇醫生都用左九牛二虎之力，照超聲波都要打左麻醉針先照到，因為佢太過癲同緊張
，醫生完全落唔到手，睇醫生時仲叫多左兩個男護士幫手禁住佢，先抽到血，我心痛得黎都無計，佢唔食嘢我真係好擔心，因為佢未病之前，佢本身就好咀挑，健康罐罐唔肯食，低磷罐唔食，加左保健食品既更加唔食，如果強行喂佢食，佢脾氣仲大，抓傷我，我唔介意，問題係佢心情差，醫生話對佢病情仲唔好，叫我唔好令佢心情唔好，但其實一喂佢食藥，佢心情就唔好，好無奈我點做好⋯ 我買左20幾款罐罐 佢都唔想食，零食開左都唔食，我上網搵左資料，比嬰兒食物，佢都無興趣，將食物加熱再比佢食，佢都唔食，琴晚我強行喂左2ml黑酵母，唉，都唔知有無用， 有冇貓奴試過、我應該點做
跪求賜教！感謝
1個讚
用針筒硬餵得唔得？
1個讚
佢脾氣好大，一見到針筒好大反應，用好細既針筒，用毛巾包住，比佢食完佢都好唔開心，情緒好差
有幾老?
我之前有 1x 同 2x年的老貓, 唔食嘢 / 食好少嘢, 一星期左右就瓜左.
不過我依家都照用針筒餵，同埋食哂d藥如果都冇好轉就睇第二個醫生
你個時冇帶佢地睇醫生？我個個差唔多20歲
有冇轉過睇第二間?
1個讚
冇呀, 個情形同有病睇醫生有d唔同.
因為我由細到大屋企養過廿幾隻貓, 所以佢地臨瓜前情況有d心得.
有d係成世都冇咩病, 冇睇過醫生, 臨瓜前一星期重好精神, 但突然唔太食嘢, 越食越少, 呢埋一邊, 或者要叫先出來見你一面, 比你摸下, 跟住又呢埋, 好快就瓜左.
差唔多廿歲差唔多了. 你留意下佢係米真係病個隻呢埋定冇咩嘢都呢埋.
瓜前唔太想食嘢, 但都會飲兩啖水, 比d水佢飲.
只可以盡量用針筒餵
1個讚
同埋摸下佢地d骨, 係米已經好縮水, 好似阿公阿婆咁老.
如果有齊以上情形, 可能差不多.
你講得啱，我家主子就係咁，我有心理準備
突然諗起, 之前有隻老貓, 1x幾.
老左臨瓜前生左個 “餾”, 睇過兩次醫生, 又抽過 " 龍" 定 “血”. 詳情太多年前, 唔記得. 好似冇得醫之類…
最後我地見佢咁老, 唔想佢再係醫生到折騰, 帶佢返屋企冇耐就瓜左.
老貓瓜前都又縮水又有陣味的
老左都係自然的事
我唔捨得，但知道生命有限期
1個讚
樓主你盡量陪多啲貓貓，主人陪伴就係最好良方
以前獸醫教餵Recovery糧，暖少少香D，針筒餵
1個讚
D藥仲未食哂，食埋冇好轉就會試第二間，尋日成功餵左食幾次，會繼續試
係咪有間專睇貓既醫院？
好似係中環
1個讚
都試過了
不過依家都係用緊針筒餵，10ml 10ml咁餵