屋企人曾經被批30歲前會離婚，所以當夫婦嘈交嘅時候都會自不然諗起呢個算命而唔想努力去維繫。 但最後婚姻安然渡過， 而家已結婚40年， 仍然好好感情！
4個讚
算命話我會有3個小朋友，令我好有期望，結果我今年4張幾得1個小朋友，希望繼續唔準落去
話我26 歲真命天子出現, 28歲結婚。26 歲個年真係識到心儀對象仲同佢拍拖、以為佢係mr right 我就放哂心機落去… 點知一年後發現佢原來係結左婚既賤男
1個讚
好彩知得早
真係執返身彩
我自己就so far冇話影響 但會失望囉
例如話某一年會買樓 結婚 生仔 但冇發生
等我仲期待買到樓
大學時期，同一位女性同學行廟街，個相士話贈我兩句，不停話我想溝呢位同學，我心諗你無野下話，佢 TB 來㗎喎，俾我老婆笑左廿年。
之後出來做第一份工，嗰日有啲down, 入左商場又見個算命佬門口啲post 好似好勁咁，入去俾佢算，講啲野完全相反，之後我同佢講你捉錯用神，係咁睇㗎，佢就問我「你都識㗎？」之後佢無收我錢，咁我當然都無唱佢，搵食啫。
曾經有個相士話我老公會有兩個仔女，我哋宜家得一個，我亦無打算再生，自己有時會諗起，諗我哋係唔係會離婚，佢會再婚生多個
我諗緊好多時候係 self-fulfilling prophecy，因為聽完覺得係咁樣，所以會努力去成為咁樣，所以就被話「準」。
我都有興趣算下，當聽下故仔，發夢諗下其他人生可能性
2個讚
唔係好明點解要搵個陌生人講自己啲野…
亦都識人睇過相之後好介意對方講既野已有心理陰影
利申冇算過命
當年失戀，可能個樣太灰
個同事搵左個朋友幫我算紫微
一半半準 因為佢講過去既係準
而我都忘記左大半內容，呢排執屋搵番佢算既命盤，又再攞黎睇下，原來呢幾年發生既都又有少少準，個心有少少不安。
好彩 我相信命係整成，但自己心態可以改變少少，所以當參考下，要黎警惕自己，好好愛自己，命運在手中。
d人話因爲有避孕所以會唔準
d人話紫微斗數比較準，我就無試過，雖然好好奇，但又怕無事無幹睇咗反而會唔開心
不嬲唔信 算命聽下就算, 太迷信唔好
16年想買樓, 有人計過話18-19 樓價跌先好買、好彩冇信
該主題在最後一個回覆創建後30天后自動關閉。不再允許新的回覆。