身邊幾個朋友都係咁、生小朋友之前都話鍾意女、點都要有個女。
咁最後真係生左個女、到小朋友開始大、就會日日呻冇左半個老公、又話老公老送嘅野其實係個女想要（例如風筒、會話佢不如一開始送比個女）、又會話見到老公對住個女情深款款好眼冤、又話自己講野個女唔會聽、係要老公陰聲細氣同個女講先得…
跟住又會同我講、你就好啦、唔駛同小三分老公（其實唔明點解要叫個女做小三、貪好聽咩）、你唔明我地幾慘傢啦…
我覺得佢哋係「言若有憾、心實喜之」（覺得個女令個老公更忠於家庭？）、但有時真係見佢地呻到好唔開心。（但比佢地簡多次、佢哋都係簡生女）
有d人面係呻，實質係曬
點會叫得出個女係小三，自己覺就算啦，仲周圍同人講 
我老公話阿仔…係小三又…搶咗佢老婆(即係我)
好少可男人咁care
可能未置於係曬嘅、但去到最尾都係鍾意女。
我覺得女可以扮下靚、其實幾好。不過仔冇咁姿整、啱我性格
我都想有個女，可以買靚衫同佢裝扮。
依家兩個仔,大仔好似女仔甘。好嗲好痴身 我覺得好sweet 
我老公會話係情敵、話我唔理佢。咁果陣我教緊個仔做功課、我話你想咪坐低一齊做囉 （大把練習比佢做）、或者你教佢都得。
前世情人咁話
係咪男人要搵樣嘢寵？
唔想寵老婆了，咪搵個女Or寵物？
要搵嗰種全心依賴佢既feel。
even老婆可能從來都俾唔到佢。
仔女我都有, 兩種感受都有.
仔有仔cute, 女有女sweet, 其餘冇咩特別.
仔女聽唔聽話, 聽邊個話睇小朋友性格同大家點相處.
男人應該係錫女多d, 但仔又可以陪佢地玩, 各有各好.
佢地有幾個老公我本身都識（本身係識佢地老公先）、試過問我應該送咩禮物比老婆好、話試過送完比老婆話最後又係比個女用。
咁我一律答包包
包包=手袋
小三=二奶
戒下蝗語啦
你咁講我突然發覺我老公係好錫我其中一貓女…真係會陰聲細氣同佢講野
其實我第一次睇到「包包」呢個term, 係九十年代的東立少女漫畫同台灣言情小說、不過今日呢個字竟然變左做蝗語…
好奇問下、咁你會唔會先生特別care呀女但唔太理呀仔傢？
呢樣我聽得有仔有女朋友成日呻。
我自己就覺得、女仔多數性格敏感啲、同一件玩具、可能又要簡顏色…反而男仔就冇所謂、有得玩就得。
好記得有次幾家人去滑雪、我去舖頭買左幾個整雪球嘅夾諗住一人一個玩、但得一個係粉紅色、其他就綠藍紅、最後粉紅色比人爭崩頭。經一事長一智、以為呢啲情況只會同色同款
仔女就係仔女, 做咩要自尋煩惱, 搞到變曬質?
唔會, 我女好獨立, 性格好男仔. 去到高小, 我老公有時覺得佢大個, 唔好意思玩咁埋.
但個仔就好多嘢講同問, 又好chi人.
所以都係睇小朋友性格.
我識得有個朋友，生B後夫妻關係變得好差
如果自己同個女關係好嘅就係言若有憾
我記得bk以前有個好恐怖嘅post，係個女好憎個呀媽好中意爸爸，嚴重程度係個女當呀媽係仇人，好似要霸住爸爸果種