我同老公打算離婚，之前講好咗個女（11歲）跟我，佢會俾錢養女，點知佢宜家反口，話要同我爭個女，仲話如果我唔肯就法庭見。
我唔知點算，所以想問吓有冇人比較清楚有關程序？
要多啲你哋嘅background info 先可以俾意見你。
例如: 平時邊個湊女? 你finance 點有無返工? etc
1個讚
其實正常都會判俾媽媽，如果係個女係屬意跟你就99.99%，但官都要考慮埋你是否可以照顧到佢
3個讚
我哋同我媽咪一齊住，我要返工，我老公唔駛（佢幾年前結束咗生意，宜家手頭上有一筆錢，可以不愁生活）。小朋友由細到大都比較黐我，雖然老公都錫個女，好捨得花錢喺佢身上，但份人冇耐性，所以帶小朋友去玩、安排活動、跟進功課等都係我負責。
我媽咪幫咗我哋好多，煮飯、打掃屋企、買餸都係佢做，而我老公就主要係接阿女校車，同喺疫情期間照顧佢中午果餐。
因為我覺得喺住所上（如要離婚一定係老公搬走）、學業上，以至而家阿女已經開始進入青春期，好多嘢佢只會同我講，所以我希望喺最唔影響佢嘅情況下跟老公好好協商，我亦都同老公講過呢啲問題，但佢仍然堅持要攞返個女。
我宜家唔知點算好，唔知前面將要面對啲乜，要準備啲乜⋯⋯我好擔心⋯⋯
睇情況你冇得輸
佢堅持爭可能係死要面惱羞成怒想煩住你，就咁睇佢牌面唔高，唔好中佢計
2個讚
樓主唔駛太擔心, 無乜嘢好準備
兩個可能:
-
你地兩個自己傾掂跟邊個, 邊個比生活費, 做CONSENT SUMMONS, 法庭覺得OK就照判;
-
你地爭, 過堂時法庭會ORDER做份社工報告, 睇下邊個適合攞CUSTODY, 不過11歲咁大個嚟講其實就睇阿女自己意願比較多, 如果個女係痴你想跟你而你又安排到照顧你係無得輸。
仲有一個可能你可以嘗試同老公PROPOSE : JOINT CUSTODY, 但個女為方便照顧都係跟你住
其實之前決定離婚果一刻已經傾好咗係方案一，本來諗住既然大家已經講好，可以好方便咁解決，但去到差唔多要實行時，佢竟然突然反口，話要同我爭個女。
佢話宜家俾兩個選擇我，一係佢養佢教，一係我養我教，（我哋之前講好咗我唔會分佢D乜嘢，佢只係需要俾個女嘅生活費，即係佢養我教），我話阿女嘅生活費佢喺有責任，但佢好囂張咁話「就算個官話要俾，都要我俾先得㗎」。
我話之前大家好冷靜咁講好晒，諗住雖然唔可以做夫妻，但都可以做朋友吖，無謂攪到宜家咁，但佢話朋友都冇得做，所以先有「我養我教，佢養佢教」呢個說法，所以第三個方案應該都唔可行，
宜家似乎淨低方案二，但係我應該點做？大家一齊去搵一個律師攪離婚定係各自去揾？要爭撫養權會唔會攪好耐？會唔會要用好多律師費？法庭果邊係咪會搵阿女傾（我好怕影響個女，唔想嚇親佢）？
好多好多個問號⋯⋯
法官好睇小朋友意向，你又有經濟能力，和女關係又好， 妳可以放心
社署或相關部門會見阿女了解生活情況和小朋友自主能力有幾多。再寫報告俾法官睇，再由法官判決
1個讚
其實我都覺得佢係想煩住我，但係我真係冇咁多心力，囡囡今年仲要係5年級，就嚟要呈分添⋯⋯佢竟然同我講佢走果日要帶埋個女走，同佢轉校。5年級話同佢轉校，我真係滴汗
⋯⋯
好似唔得嫁, 你可以追討生活費，冇得佢唔俾，除非佢玩到咁賤搞破產，或將資產轉移。你而家先盡量收集佢資產證明
你贏面好大
淨係同個官講佢為左帶走個女，連小五呈分都要轉校，佢已經失曬分
媽媽加油，照顧好囡囡，大人事盡量唔好影響到小朋友，可以解釋佢知點解要分開，雖然前夫好衰，但最好都唔好灌輸俾小朋友呢個負面信息，對佢未來父女關係，男女關係會心理影響好大
利申過來人
5個讚
咁你又俾返2個選擇佢，一係養一係唔養，跟就跟硬你，為免麻煩唔要佢Ｄ錢算啦，唔要膳養費你可以幫阿女改跟你姓，既然佢都唔想同你做朋友，一刀兩斷算了
sorry我唔清楚你過來人意思係咪追討 贍養費，但事實係好難好難追到, 兼且要上相關部門搞好多手續先可以追討，樓主未必有咁好心機時間追返啲錢。
just路過想分享一下
樓主放心，你個case佢好難同你爭，不過佢要爭都可以，但要花好多心力時間同佢爭。
建議你俾返兩個options佢，唔好淨係得佢俾你揀，你亦有權開返offer俾佢。
而家官好興判 共同撫養， 但生活就是但一邊，但如果傾得掂，撫養權最好喺你手。
同佢平心靜氣傾吓先，再上嚟update吓等大家俾啲意見你。
無咩解決唔到，有唔開心上嚟傾吖 
1個讚
要爭就當然最好各自搵律師 , 但又無話一定要律師嘅, 家事法庭好多ACT IN PERSON, 律師費好難講, 又唔知你地打幾多庭, 唔想駛錢一係SETTLE, 一係自己處理
爭撫養權好大程度取決於社工報告, 社工會同你, 同女, 同你老公分別傾, 會OBSERVE個女同你地相處表現… 社會之後會做個報告, 建議法官點判, 正常情況個官係照判
你老公越表現得大男人, 唔願傾就仲好, 家事法庭次次都要佢自己上 (就算有律師), 佢越表現得橫蠻無理你越有利。生活費都唔係佢話唔比就唔比, (如果要打)你最好寫埋落份FORM E度, 因為佢講過話會走數, 要求佢比LUMP SUM PAYMENT, 咁就唔駛佢月付~ 誰怕誰?!
5個讚
多謝你
多謝你，我明白咗好多啦
媽媽無明顯過失，諗唔出個阿女會揀跟爸爸既理由
前夫有咩好爭呢？真想問佢一句：爭咩爭？唔通你識教阿女換M巾呀？
（無意冒犯，屋企咁啱有人搞緊離婚，情況類似，所以見到就嬲
）
我細個最怕問老豆攞錢買M巾，M痛又冇人可以講。