去親戚屋企拜年時，見到人地嘅工人喺度，就提老公要派利是比工人姐姐
我：你記住派利是比人地嘅工人
老公：你派比工人啦
我：你派開就派埋啦
然後佢唔出聲，我去完洗手間出嚟後，見老公坐喺梳化睇電視，就以為佢無派利是比工人(佢平時唔出聲=唔會做、等我做)，所以我去派啦。點知個工人見我派利是個樣好錯愕，我老公見到就話：我頭先咪派咗囉!
我內心XYZ個老公(但當然無收返啲利是)，我X,你派咗講聲呀，平時唔出聲就=唔做，做咩突然又做呀
離開親戚屋企就爆佢，
佢竟然話：係你叫我派㗎嘛
我：但你反過嚟叫我派呀
老公：我無講過
我(內心)：xyzxyz 
點解啲男人永遠係金魚記憶，錢事少，佢講完唔認、做錯唔認，先令人火滾
我覺得你老公冇錯wor
主要係平時佢話要我做，就唔會做，點知佢今次發神經走咗去做又唔講
大家誤會啫
小事
新年要和氣生財
派比樓下保安, 佢一個人都派雙封, 我返到屋企又派. 其實佢點解要幫我派埋? 個保安唔係常駐, 佢唔知我係佢老婆嫁喎. 吹到啤一聲.
完全明白你嘅憤怒，啲男人平時老婆買餸買貴幾蚊都嘈，但呢啲位就懶豪
通常另一半唔應我我都會問多次聽唔聽到？
聽到要應我先得架
只係一封廿蚊利事，有需要嬲？
大家溝通不足啫，事實上真係好小事，根本冇乜好鬧，其實你哋上親戚屋企前先協議咗邊一個派利是，俾看更都係，另一個就唔好出手，最多問下對方派咗俾呀邊個邊個未就算。
派利是係開心事嘛，記住有本事、先有能力派利是，唔好嬲
但事實最後一句說話係你叫佢派喎,佢有聽你話呀
所以我為免重覆派，我同老公同場嘅就一定係我派
我明白樓主，錢唔係問題，係平時唔出聲就懶做，今日突然積極又唔講
我平時同我老公鬥懶，佢唔夠我嚟，佢唔做我更加唔做，特別係男家所有嘢
好似啲年貨，我買比男家親戚冇所謂，但我問佢買乜好如果佢夠膽唔應唔理，我一定唔繼續買，佢會好怕最後要買晒，所以一定一問即答然後唔該我
佢完全係「犯賤」型
其實好多人都係咁，男女都係
說得好，不要為小事動氣
其實我要求好低，我只係要佢 involve，我買年貨有乜所謂，反正女人買嘢一定叻過男人。但我問佢：買A呢樣比B親戚好唔好？佢只要答我：‘好呀唔該’ 我已經一定幫佢搞掂
但如果佢打住機 hea 我唔答，我唔會再問然後叫佢自己買，咁佢實奶嘢
如果我覺得我老公唔會/唔記得做嘅，就唔會旨意佢做。
我都分享下我老豆派利是d蠢事
佢直頭未派，袋左十幾封利是出門晨運散步返黎先發現個袋爛嘅d利是跌哂 
笑了
當破財擋災
跟佢後面嗰啲人當佢係財神
笑咗 好有畫面