垃圾東方為香港移民潮求左支簽，又係話移民死硬果d三福屁！
小弟就才疏學淺，但細心一睇，支簽文好似講到好應香港既現況，個意思好似完全唔同東方咁講囉！
「隋滅陳時戟伐紛，都因妖媚閉明君」- 中到絕！香港被大陸所滅，搞到d香港人要走佬，皆因有女人迷惑君主破壞朝政，仲唔係講緊7婆（雖然佢無美色）？
「東奔西赴無藏息，井裡胭脂隱玉人」- 陳後主走來走去都無地方匿，匿埋起宮裡面個井到，最後死鬼埋。叫香港人唔好再貪戀名利享樂，再唔走仲匿起個井度，坐以待斃，到時實俾d大陸人捉捉捉，然後殺殺殺。留意，東方解此為香港人去英國就實死，但本身陳後主係起個井度俾隋人捉返再殺，都無冇走到，個重點係殺人既係隋（解作大陸），唔明點解東方會覺得關英國事呢？
網上簽文話，呢支的確係下下簽，但如果問「移居」，個解法係「如果您發覺目前環境不利，速速搬遷」。
「此為下下靈簽，兇險多多，要及早防範，不要沉迷酒色，胡天胡地，否則，災禍速至，後悔莫及。求得此靈簽凡事要謹慎，勿受小人昏閉，多行善事，乃能消此劫氣，轉禍為福也，此靈簽要防女子小人口舌。」哇，仲唔係中到應一應？如果係咁東方就解錯晒喇，仲要登出來俾人睇。
不嬲黃大仙都好靈，唔知大家又睇唔睇到其他解法？
準過東方9 up好多
