黃大仙向來比較「入屋」，大家想去拜神第一時間都係會黃大仙
我媽咪近幾年都有去拜+還神（可能年紀大就會咁）
記返起我大肚嗰時都有去拜+保平安，因為我懷孕初期無端端大出血，當時有求籤，話我會生仔，結果真係生仔，其實真係幾準，之後我都有去還神。
係亡過經常見到有關四面神post，我向來都無乜特別嘢要求，去泰國時都無話特登去拜下四面神
係四面神，不是四面佛
直到幾年前我地賣樓搬屋，出offer比心儀單位幾次個業主都耍太極，完全唔知想點，我地期間都去睇過其他地方，但都無話遇到特別心動嘅單位
搞咗一輪好幾個月，我老公開始心急，好想求其買住先，佢日日chur我，話其實A、B、C都幾好，點解我唔肯比offer，搞到我好大壓力
其實我地已經有曬資金、亦有好agent幫手，就硬係爭d嘢，一路唔成事
於是我突然諗到亡國有關四面神嘅post
膽粗粗去四面神求下（6月），我記得當時我有交代清楚我想買樓嘅來龍去脈同埋遇到嘅問題
我求西面神可以令我換樓順利d，買到心儀單位，如果佢覺得有其他better choice，我都ok
同埋我有比到個限期四面神，我話最好係11月前
（拜四面神最好講得specific d）
最後神奇嘅嘢就係我10月尾真係簽咗臨約，真係好堅！
1個讚
一個月後（7月），我夜晚突然發咗一個夢，我醒後好記得：
我夢見一座超大嘅廟，有一頭全金色嘅大象
我當時問路人：呢個咩嚟？
佢答：呢個咪象神lor
我醒之後有上去亡國開post問有無話代表d乜
比某d人笑到面黃，仲話佢地夢見玄彬係老公…
呢個世界好彩有Google，我Google下發現，原來象神係四面神其中一個守護神
於是我諗，唔係咁顯靈呀嘛
跟住發生嘅嘢就真係好順利，我同老公突然發現一個單位（同心儀單位同區，大300呎、view好d），最後好順利地成交咗，我地搬入新單位後有去check下之前個心儀單位有無成交，結果發現個單位係比我地住緊個單位貴多2-3百萬
其實呢個平單位點解咁高質但又平？原因係我地竟然係市道幾好嘅時候搵到銀主盤
買銀主盤最怕係份契有問題，我地好好彩deal到係未簽臨約前可以由律師check咗份契無問題先買，結果律師樓好快就話份契完全無問題，可以放心去買
呢個銀主盤有欠交管理費，好似都幾萬萬，最後律師樓無端端幫我地deal到業主會幫我地償還返
結論就係，我地層貌似好危險嘅銀主盤，成個買賣過程根本同普通單位一樣，唯一分別就係以超抵價買到
1個讚
好啦，依家講下我點拜四面神呀
網上Google出黎多數係話荃灣XXX，但我印象係亡國見到d post話入面好商業化
所以我係去咗黃竹坑拜四面神（港島仲就腳）
黃竹坑有間大王爺廟，室外有一座四面神，拜時只係以廟內清香求神，跟住添下香油錢，當日係黑雨（6月）。一個月之後，象神入夢（四面神護法之一）。
我還神準備咗蘭花（廟祝伯伯仲特登幫我換乾淨花樽水），椰絲，花露水，當然還有清香，香油錢，當然誠意最重要。（我拜時有講用d乜嘢還神）
如果有所求，d嘢係實在的，唔係妄求、妙想天開，都可以去拜下四面神，或者會有驚喜
PS我拜神有特登著白色、紅色衣物，網上話四面神like
2個讚
我係泰國求過幾次，最後一次kind of求左個老公返黎，錢就求唔到，可能佢太忙 
真係四面神幫手定係咁岩我都唔知，但係還神好緊要，講左幾時還就一定要準時還，講左點還就一定要點還。
Yes
呢個係重點
同埋有借有還先係上等人
我有個女性朋友之前都成日去泰國拜
so far佢求事業+愛情都ok
因為佢有四面係拜唔同野，so far3面OK，淨係無錢 
你講黃竹坑果度有無得買D拜神同還神既野架架？定係要自己帶去？
四面神中意熱鬧，我還神果時請左好多個舞者還，香港一定無，但係有無其他野例如花果D？
咦⋯⋯唔係喎！
我網上Google跟嗰套，係對四面都講一模一樣嘅嘢
因為對四面要100% fair，否則佢哋會小氣
黃竹坑得清香，仲要係自助
人影都無
各處鄉村各處例，還神我都係隨心，我係低成本求神同還神
so far好正常
我買樓嗰次拜已經係幾年前，同埋我無跳舞
唔知係咪泰國同香港唔同。
手拿佛珠的那面是第一面 (代表事業學業)， 務必依照順時針方向參拜 ，依序愛情婚姻、財富、平安健康。
四面佛「四面」 都一定要拜 ，不可以任意跳過哪一面，與自己心願相關的那面，則願望說的越詳細越好，
其他面也得禮敬拜一下。講完願望後，說一下達願後多久會回來還願，切記 不可有 誇大還願內容、傷害 人的心願 。
1個讚
呢個我有跟
但我四面講全部一樣嘢（即係重覆4次）
so far for我黎講好work，因為你知買樓真係講天時地利人和
我求時每面都會講自己名，年齡，依家住邊，求乜
可能香港呢位中意安靜
等我可以甩開D仔女果時都去拜下，下次只求財 
可能佢感受到真係好重要所以幫你
1個讚
試下睇下work唔work
老老實實黃竹坑嗰度未必有好多香火，因為真係勁少人
去過兩次，每次人影都無
我今年有嘢求，應該都會去
泰國嗰位應該超級忙
1個讚
都好既，自己中意拜幾耐都得。泰國要係咁搵位sip。
所以香港呢位可能可以focus係我地度
1個讚