Facebook youtube成日見到外國幾包胎，或者好多兄弟姊妹，個媽媽仲要有時間拍youtube ，佢哋個心態好好點做到？ 仲要幫咁多個bb著同一套衫扮靚靚， 沖涼都沖咗大半日啦
我哋湊一兩個已經死死下，究竟有咩分別我都想學習下……
3個讚
我諗要個人唔好太緊張 
有時見d鬼會由d bb係餐廳地下爬
完全唔怕污糟
3個讚
佢哋無咁大壓力，唔會怕帶出街bb哭鬧俾人眼超超
1個讚
佢哋成長同我地細個傳統文化教法好唔同，人地視線都focus 係好事情上，我自小就被捉錯處教大，常見到小朋友唔乖就唔順眼，我已經努力學習正向教育
17個讚
絕對係，只要唔危險，佢哋都放手俾d bb 嘗試。
我悲觀，拍得YouTube唔理真心定假意，都會比觀眾覺得佢心態好，
心態唔好嗰d都唔會咁公開比你知
7個讚
外國人嘅教育方法，放手比BB試，亦都令小朋友自信心更強！
2個讚
人地湊到崩潰果d冇拍片啫
9個讚
x 2
就算fb 朋友，個個都放閃，夫妻和順，父慈子孝架啦
3個讚
都想知佢哋點樣同時間餵晒咁多 bb 食野,食完又洗,洗完又煮又換片,好勁抽!
真係有咁多錢養定係佢哋政府有資助?
1個讚
我嗰時產後depression
上網睇返資料原來外國都好多ga
只係youtube多數見到美好一面
兩「放」：「放鬆」、「放手」。我見亞洲人連皮毛野都要注重、追求，但南亞人、白人就比較少，只要個小朋友冇特別大問題佢哋都唔會「吹毛求疵」。平日行街都見，亞洲人係一定拖小朋友拖到實，但南亞人、白人都會放手畀佢哋行。心態唔同，你驚小朋友被拐走/失散/有意外，佢哋就覺得只要係視線範圍就冇問題，反正香港很安全。
不過有抑鬱嗰啲你唔知姐，我有睇一個生六胞胎女女（7 個女）電視節目同 Youtube channel，兩夫婦認自己有產後抑鬱壓力大到想離婚，
1個讚
佢地住既地方都好大，好似唔洗清潔唔洗做家務，仲要佢地無工人幫手都可以咁enjoy。
2個讚
呢句真，外國人湊仔真係污糟嘅，跌落地嘅嘢3秒內執起照食，我連跌落枱都覺得唔食得（已抹枱），真係睇吓個媽咪底線喺邊度
因為好多都係BB自己食
洗碗碟機係外國基本上係洗衣機咁，個個都有
2個讚
亞洲地少人多… 要出位真係要好出色，同埋亞洲教育多數係精英制
好攪笑
土地問題，小朋友大把地方放電。
教育問題，邊會好似香港人咁兩歲幾就要上 interview 班，小學都係附近搵間學校上，無 target 就無壓力。
工作問題，人地行行出狀元，讀唔成書只要肯做都生活到。
6個讚
我觀察到個核心係唔將小朋友當成係家庭嘅唯一重心，唔過分緊張，唔會將整個人生同生活都因為一個小朋友出世而變成只係純粹圍繞着佢轉，不過我相信都係知易行難，始終文化差異好大，叫香港嘅媽媽唔好煲粥仔，比玻璃罐裝嬰兒食品個小朋友食仲要唔加熱打開就食，香港媽媽應該會好難接受
5個讚
完全係呀，我認識嗰啲華人父母，個肚都仲未大起上嚟就已經開始考慮學校選區問題，好多都會堅持冇乜錢都要節衣縮食送private school，五歲已經送去補習班，本身我住嘅地方競爭性唔強，相對地本地人有錢嘅會送私校，普通人家隨緣，本身住邊區，就接受邊區讀書
1個讚