大家信唔信或者有準/唔準的經歷都可以分享下 
我信人生有定數，所以好隨緣
記得細個大約十歲，同屋企人去行花市，有檔野幫人睇掌，佢話我媽有3個細路，當時我已經成十歲，仲有個哥，阿媽話：有無搞錯，佢兩個都咁大喇！
之後可能一兩年之內，我爸帶我地去港中醫院接阿媽，佢做完手術，落仔！
我有兩個阿姨有段時間研究紫微斗數，以前又有d software 可以整到個盤，話我子女宮有紫微星，d人話生女會好靚 (唔知真定假)
不過，我仔真係自細都好靚，成十歲都有人問係咪女！
我揾過個cfu 睇我仔，當年考慮轉校，但cfu 話唔駛轉，直升好，學校利佢
結果，校外一切順利，但唔想返學
另外，唔知大家有無聽過玻璃朱嘅姓名學，佢算到話我二仔得2x歲名，我希望佢唔準…
呢排我發覺塔羅都好準！
2個讚
唔信
不過聽過身邊有人去求籤，之後發生既嘢100%一樣，所以佢就開始信黃大仙
我聽到佢呢個例子果陣都理解點解有人會信，我都尊重
但唔好攞黎說教就得
信信地啦，又唔敢盡信！
以前老細有位客人係算命/風水佬！話佢n年前上電視台？不過我唔識！
有次老細請佢幫我同另一位同事「望下」
佢話如果我可以出國讀書會好叻，入到大機構好似聯合國個啲做野（佢真係咁講）
如果唔讀呢，就早啲嫁人
5年内好嫁，一係細我2個月/2年，一係大我10年以上。
我都好想出國讀書，但家庭環境唔許可。最後好似差唔多5年真係嫁左，老公的確大我10年以上
唔知係咪準，半信半疑。
1個讚
我聽d人的經歷 通常都係不經意地睇相算命就講得幾準
你子女宫係紫微星 呀仔係咪白白淨淨 有冇帝王霸氣？
其實如果有研究姓名學 咁改過個名係咪可以改善？
你塔羅係自學定出去搵師父睇？
我都有聽過話求簽好準
不過我自己就唔識解簽，所以有時都要睇下有冇搵到啱的解簽師傅
1個讚
有時都係可能十樣之中中幾樣
咁師傅都講中你結婚時間同老公年齡丫
咁你仲有冇去睇師傅？
我10幾年前後生成日去算命，幾出名果D都睇過，有人話勁就去睇，好多年後嘅今日我可以話得一個準，準果個係鐵板神算，但睇返知道準又可以點，根本冇得避，所以我已經吾會再睇，開開心心過日子仲好
6個讚
你有無揾其他師傅算？
係，面尖尖，眼大大，好秀氣
名係我地好俾心機砌嘅，我老公唔迷信，我唔想多事，無搞
我見朋友睇開，我陪佢嘅，都約咗去問下野
呢度睇星盤嗰位，話佢好痴家，無話佢有咩不幸
成個命盤批？
做多d善事都會有福報
講堅，我覺得捐血好好
雖然目標爲本咁做呢d嘢唔係太好，但我身邊有個朋友N年前好「積極地」做善事，依家又好似無乜
諗返轉頭應該係佢未懷孕之前
佢生B後先話佢條命係好難有小朋友嘅，呢胎係人工受孕先生到
前因後果加埋我覺得當時佢應該係爲生BB鋪排好多善事
我自己好巧合地做過一次善事，樣嘢送到我屋企後（慈善拍賣），跟住我下個月就有咗
2個讚
唔知，應該睇星盤，唔係命盤
即係星座？
佢大運行到咩格局咁凶險喔
有冇睇下其他師傅問下意見？
我舊同事早十幾年前去算命,話佢到3X歲就會88,放心啦,我舊同事而家仲開開心心生活緊
嘩，想知道邊類師傅咁廢
因為d大事應該算得好清楚
廟街？要人比錢化解？
我好記得我細個我呀媽都比人話有個劫（2X年前），要比幾百… 好似係黃大仙解籤呢類
我媽當時好擔心
我依家覺得，咁比人呃，其實都應咗係破財
冇啊，其實我唔敢睇！
只不過呢個「機原考合」
我老公個朋友又係咁,初初識佢好貪小便宜好孤寒,之後想生BB就做善事,仲會送禮物俾圍內既小朋友,同湊佢地去玩~
1個讚