我自己係大陸出生既，好細個就黎左香港。但申請BNO時，我係外國讀書，所以，一直無申請BNO。今次離開香港已定， 但台灣因為我大陸出生，已經好難去申請，英國既5＋1我都無份。美國，加拿大又超貴。。。
最近問左上邊幾個地方，同大家分享下資料。
1。泰國 可以等幾年退休移民去（存HKD20萬就可以申請，申請費用都係HKD1－2萬），中間可以用讀泰文方式先留底。 泰國無PASSPORT，會一直保持中國人身份。 生活費平，可以HEA住生活，清邁既租同生活費HKD8000一個月已經係中產生活。但係泰國生活，唔代表你有自由，你如果講光時既野，中共都可秘密拉你返黎香港審。
2。韓國 買HKD350買政府基金 5年後比返你 （申請費HKD5萬－HKD30萬）或買指定地方既樓約HKD350萬 （買樓費用同稅約HKD15萬）。 5年後有永居，但好難有PASSPORT，因為語文試係超難考。 呢個投資，係可以韓國打工同做生意。 SEOUL咩都貴，樓價可能重費過香港，所以去，可以考慮其他城市如釜山，生活費好似幾平。民主自由方面，韓國人好撐香港既社會運動，係政府唔太出聲，怕得罪中國。
3。日本 話投資HKD35萬可投資移民，當然要預多D好。 香港好多公司食緊呢條水，開天殺價。 開到600萬投資加60萬申請費用都有。 自己網上搵當地既行政書士問，真係平好多。日本5年可申請PASSPORT，但要睇你既生意係唔係認真做同可以持續性養到自己，日文學成點，可能年年審核你既居留申請。
你地會點㨂？
2個讚
我選泰國,生活水平便宜,希望d錢可用耐d。但其實3個地方也要重新學語言,文字,呢個最大挑戰
。
利申: 旅居過韓國幾年
淨係租樓個價錢已經贏香港一截。食野方面都開心過香港，2百蚊港紙已經食得幾好，係香港仲要放題加一都落唔到樓，又要勁多人排隊&逼。
語言方面，韓文好多發音好似廣東話，我男朋友學左2級都基本生活到。
永居同入籍既分別係冇投票權，其他福利都會有。
講講下，好掛住韓國既生活。
2個讚
今日直接搵左一個當地日本大阪律師問
手續費收8萬港幣 加40萬港幣投資。 50萬攪到。佢地會協助你當地搵屋 搵鋪等。 但之後做咩既生意要自己諗，同好好run.
泰國，韓國無passport. 一直用香港特區護照，國安法跟你世。
我覺得泰國已經無之前咁好. 而家個廢柴皇上, 有人轉發一張相話係侮辱佢, 即刻要坐一世監, 好容易中招.
我之前都唸過去泰國退休的.
1個讚
泰國醫療好好，之前發展醫療旅遊做得唔錯，但前提當然要有錢
日本就有國民健康保險，每個月交錢供，基本上睇咩醫生都係比三成錢，保障都唔錯
1個讚
韓國政府的確好怕共產黨, 其實韓國都已經好利害，幾十年前仲係窮到燶，今時今日科技，文化己經上左世界舞台 （但警察水平都係一般般）
日本社會文化好唔同，經濟消費模式同我地唔一樣，價值觀都係唔同
日韓呢兩個國家都係文化氣息好強烈，對自己國家，節日等等都係大愛，每個人都好proud of it.
你講開呢樣，日本都係買big6怕，主要係因為政府無錢，情況好似以前澳洲咁，好歡迎big6資金
不過日本政府比韓國親美，有咩事上嚟都算有啲後盾嘅