政府周一晚（2月1日）突然刊憲，連封4區，包括尖沙嘴彌敦道80號金鑾大廈納入受限區域，預料明早7時完成行動解封。由於政府於晚上7時突然封區，令不少「路過」的市民措手不及。有母親帶10歲女兒到金鑾大廈一間髮型屋剪髮，其間母親一度離開，至折返時大廈已被封，女兒被困在內。母親表示由封區至晚上10時一直在髮型屋樓下守候，仍無法接觸女兒。
有人員建議為其女兒租住賓館一晚，她怒道：「你哋自己諗吓尖沙嘴嗰啲賓館啦，你哋自己都唔會住啦， 10歲小朋友一個人自己喺賓館裏面住，完全唔合理，又幫唔到手！」直斥當局「畀我嘅所有offer都係廢」。
痴線,
呢座大廈都唔多CASE
獨留兒童在賓館
但係上面有間黃酒店
唔知, 就係因為咁就封…咁都幾唔得閒
叫個10歲女仔一個人住賓館？
個政府職員有冇帶腦出街
真係好痴線
一單都要強制化驗
等於有機會封樓
酌情處理，媽媽接走10歲小朋友。
係通左天之後先「酌情」囉。
我贊同媽媽講法快手俾女童做左測試先，有結果就放佢走，唔使等第二日
即使髮型師會照顧佢，但做媽媽既唔會放心俾其他陌生人照顧。
元朗都係一單
係，成日欺壓良民，究竟點解成日用個屎眼諗野。
最新見到放返小朋友同媽媽一齊
真係好想知邊個天才答得出安排十歲女童自己住一晚賓館，如果係咁安排，我會要求有社署社工陪同小朋友住以保障小朋友喺賓館內安全。
我仔初小都問點解唔可以即刻做檢測就放個女仔走，佢地唔好坐住個腦返工
佢地唔係冇腦，只係唔care，唔係自己隻貓就餓2日都無所謂，唔係自己個女就10歲自己住賓館都無所謂
佢哋無同理心
只會按本子辦事
呢個情況應該係連腦都冇。得 10 歲，冇大人監管獨留兒童過一晚，就算係五星酒店都唔得啦！一陣有意外發生咪告阿媽疏忽照顧，政府人員唔會上身。
叫個十歲細路自己住賓館？咁雜，痴㗎
呢個政府一早已無同理心，個個怕被上司責罵，把責任推卸
獨留10歲兒童在家係犯法，依家叫佢自己住賓館，真係龍門任佢擺
痴線！要個10歲女仔自己响賓館，
你叫你自己d仔女試下呀 
嚇死個女仔！冇人性！
係要人哋大炒大鬧先安落！垃圾！