相唔相信性格決定命運?

自由討論 :grinning:

我自己傾向相信,唔多信命水呢回事

2個讚

當進入低潮,以常理解釋唔到,而運程又講到中一中既時候,就不得不信了

我信

E樣肯定係,性格>>>命運/風水。識二pair人,佢地n年前已經夠首期/人工買屋,但左嫌右嫌,我老早就叫佢地唔好諗咁多,睇餸食飯買左先。。。結果一pair因為居住問題已離婚,另一pair仲係租緊屋。我倆算係現實派,當時大家都係半失戀,所以我地走在一齊,由約會到結婚唔洗4個月,當時簽名為抽青衣綠由雅苑,婚後先慢慢認識,雖然我唔敢講話大家係真愛,但e家都算係過得去,有3間屋+1車位。

5個讚

性格重要過一切,所有機會都係睇你有冇自己把握,爛泥扶唔上壁。

不過有冇諗過所謂命運係包括埋你個人係咩性格?所以係雞先定蛋先嘅問題,就算性情大變,都可以係命運嘅安排~睇風水佬點吹啫

4個讚

我深信性格決定命運。
同樣係新同事,同事a默默咁做,同事b事事投訴;
最後同事a過試用期兼升職;
同事b好早就辭職,最近好笑地再次收到同事b嘅cv…

我認為命運係先天設定,性格係後天。

我覺得命運係有少少整定,例如出身貧苦家庭,對讀書、價值觀、為人處事點都會有啲影響。自然就影響到未來出路

但我就唔信風水命理,聽過人講八字婚姻運唔好,嫁邊個男人都係咁wor…

但最大影響一定係性格,一般黎講性格好啲,身邊人會樂意幫助多啲

1個讚

我都同意性格比命運緊要

我以前成日諗
究竟係命運決定一切, 無論你做乜都好?
定還是因為性格如此, 而反影喺命運度?

最後覺得性格最緊要, 決定權喺自己手
如果過份信命運, 好似認命咁, 對命運差既人太消極啦

1個讚

我一直覺得命運影響性格,成長期嘅環境因素都會塑造本身嘅性格,之後又性格影響命運。

不過性格有一部份係天生嘅。所以係雞與雞蛋問題:joy:

2個讚

我覺得命運係個框,大致定左一啲野,例如父母之類,但中間會發生咩,性格係有影響,所以算命啲人成日話要發生左A, B 先會出現。或者你洗牙流左血,擋左血光之災。所以性格一定有影響,同一件事,樂觀積極,同消極嘅人係處理上已經差好遠。

2個讚

我覺得都類似咁。

例如一個家庭,成長背景都係一樣,個框係一樣,但幾兄弟姐妹可能性格唔同,都會令佢地有唔同際遇。

所以我覺得性格好決定你後天命運。
唔知係咪吸引力法則,我身邊思想負面嘅人,其實人生都好多麻煩事跟住佢,反之嘅正面啲人,就偏向順景啲。

2個讚

互相連絡

前期命運影響性格,
後期性格影響命運

父母無得選擇 > 影響性格
性格再做唔同決定 > 影響後期命運

4個讚

我老公識我前成日覺得自己好黑仔,我成日同佢講其實生活都唔差呀,慢慢佢啲運真係好似好啲:laughing:

1個讚

好信

性格好會吸引好事嚟

3個讚

性格影響做事方式,所以做事方式影響命運

當然命運亦影響性格

我諗家庭最多影響廿年,之後條路點行靠自己

都未必,好潛移默化

1個讚

講得好啱呀

先天(父母、兄弟姐妹、家庭環境)呢類係命水

後天受先天影響,但都可以改變後天命運

兩樣嘢相息相關

以術數黎講,都會有分先天同後天(掌相、紫微命盤等等…)