生完bb喺奶奶屋企坐月，我瞓單人床房，老公瞓廳。到宜家四個月都未搬返自己屋企，因為working parents，日頭靠奶奶幫手。其實我地住得好近，五分鐘路程。先唔講住喺奶奶度會唔多自在，呢排覺得同老公關係都疏遠咗，瞓覺都要拜拜，少左交流。其實係咪就算辛苦啲，夜晚湊返自己屋企，兩公婆一齊瞓返關係會好點？有無人可分享吓。
你哋本身有咩計劃? 之後一路奶奶幫手湊？
而家疫情咁嘅樣,唔好要BB走黎走去,係我嘅話就放工去奶奶度食埋晚飯幫手攪吓衛生同比奶奶回一回氣,坐夜D先同老公返自己屋企
你兩公婆會頻撲D,但起碼有返D二人世界
1個讚
兩公婆唔應該分開訓，一定係返自己屋企住好，如果放心，疫情下放低阿B過夜，兩個自己返屋企，唔日日返都一星期返幾日啦
係，咁你哋做唔做到搬返去？
有時候兩公婆傾下野、抱一下，都好重要
有其他人係度就算點親，傾傾下有人加把咀埋嚟，又或者有其他人係度就會唔想傾
更加唔好講攬下錫下同夫妻生活～
其實男人女人都一樣，都要人錫下、間中注意下。
其實咁近可以搬返屋企自己住
朝早湊比奶奶
呢傢喺奶奶度、你兩公婆夜晚都要睇BB傢喎
其實就算兩公婆都一齊住一齊湊b，唔知點解都覺得疏離左…
俾著我，一家三口都唔會留喺奶奶屋企。
問下奶奶可唔可以喺你屋企幫手？咁就唔使買兩份嘢。
佢唔肯，就乜都乘二，朝早湊去奶奶到夜晚湊番屋企，或請工人/姨姨喺自己屋企湊。老實，如果奶奶唔係行動有咩不便連5分鐘都行唔到，我相信佢唔會捨得無得湊孫見孫。
1個讚
夜晚湊返自己屋企湊，關係會好d
一齊育兒過程係辛苦，但一齊經歷都有樂趣
Bb大左，就已經唔同la
辛苦啲，湊返自己屋企好啲，二公婆始終一齊訓好啲，傾下計，攬下都覺得親密啲
既然你都發現同老公疏遠左, 已經係一個警號啦!! 都係5 分鐘路程者, 真係可以同奶奶傾吓, BB仲細, 叫佢去你度湊得唔得…如果佢真係唔想, 咪自己每晚湊返屋企囉!! 你又可以同返老公一齊瞓, 阿B又可以一齊瞓。。。我以前請本地姨姨, 每晚收工, 我同老公輪流去接返阿仔返屋企嫁!! 我個度無地鐵到, 巴士都要轉兩程車, 有時夜收工, 就索性的士返, 跟住第2 日又趕頭趕命帶阿仔去姨姨度!! 係辛苦嫁…但每一晚阿仔都係同我哋瞓, 我覺得點都親密啲…之後阿仔K3 先請工人姐姐, 而家就輕鬆好多啦!!
1個讚
自己一家三口夜晚一齊返屋企，對夫婦關係、親子關係都百利而無一害。唔好放BB去奶奶到過夜，咁會比左個主導權奶奶，第時BB啲野仲可能要聽佢支笛。