女士們通常擇偶條件都要包括“孝順”,
叫得做孝順，
咁就一定冇可能唔聽阿媽話啦，
好嘞，冇事冇幹由自可，
一旦有"婆媳衝突"時,
就冇咩可能次次，
或無條件咁企喺妳嗰邊架wor?
好想問下:
如果世上只得兩種男人 ，
(其他條件諸如身形，經濟，性格，價值觀等
姑且keep constant先)
一種係佢自己阿媽的"頂心彬”,
但事事以妳為先，
另一種係“超級無敵孝順仔”,
但妳同佢阿媽起衝突的話，
唔駛旨意搵一次佢會企喺妳嗰邊
大家會點選呢？
（請恕我舉例如此extreme,
就當大家係二戰前的德國人啦，
手上一票，一係投俾希特拉，
一係投俾共產黨，no third choice)
孝順同愚孝係兩樣野。企喺老婆嗰邊同企喺阿媽嗰邊根本就唔係一種對立面。點解要搞到好似世仇咁。
孝順係孝順並尊重父母，但同時間咁大個人有自己主見，知道點樣去主動承擔一家之主角色，處理唔同嘅問題。
例如我老公，佢好錫奶奶，會每星期抽時間返去食飯陪佢哋傾偈，奶奶需要佢幫手整電腦，佢都會幫手。但奶奶成日為難我講說話過份，佢都會主動幫手出聲化解矛盾，返到屋企會氹番我。
有時奶奶問星期六日得唔得閒去佢屋企，老公會同奶奶講問咗老婆先再遲啲覆佢。老公會識得尊重我感受。
係喎，樓主明唔明？
好似講到我唔明，理解的，
問題係，世上真有這麼多“不需吃草的好馬兒”?
對了，其實我在開post已清楚講明，
並清楚“聲明”了，
係如果只得以上兩種“極端選擇”,
問大家會點選？
套用番兩位所言，
就當此世上只剩下“愚孝” 與“不孝”
如果唔係set到好似“人生交叉點” 咁，
Extreme啲，討論就往往倒向最理想的“中間派”,
Meaningless了…
你未去到『資源有限』難以『平衡雙方慾望』嘅局面。
咁呢個世界上又係咪真係淨番愚孝同不孝揀？
似乎係你嘅標題同內容矛盾，你想人討論，又唔貼地，依家問人揀食咖哩味嘅屎或屎味嘅咖喱無分別！
有乜好討論. 咪唔嫁囉. 冇男人會死咩
梗係揀個對自己好，以我為重架啦
孝順從來都唔係我嘅揀偶條件
我同老公拍拖果時都冇乜點理佢同佢阿媽嘅關係
又唔洗去到『唔嫁』，可以搵個無父母嘅，又或者父母係另一城市住，就簡單得多。
樓主淨係想人討論佢嗰兩個extreme case 嘛
我跟返佢個討論，個答案就係，揀唔到啱心水的男人/婚後生活狀況，就唔好嫁
嫁左慘過做女就唔好嫁
事實上係，大部分都係嫁咗辛苦過女，
就算雙方門登戶對，做咗人哋老婆，
生活圈子唔同咗，所有野都要從新學習及適應，
除非⋯⋯女仔家景唔好，嫁咗個家景好好多嘅男人，
婚前憂煩家事，生活逼人，嫁咗出去，可以改善現狀嘅，
咁其實點解要結婚
人生就咁，一個循環，
你可以選擇唔結婚，無兒無女，正常情況父母應該比你早「瓜老襯」，之後家庭只餘下自己。
兄弟姊妹有啲結咗婚，有自己嘅家庭，住得近，可能聯絡多啲，
住得遠，你就算有咩事，都幫唔到你，
社會好現實架，女性朋友結咗婚就專心家庭，之後活動就失蹤架啦，
就算你有好多女朋友，一般都係嫁一個少一個，根本就由拍拖開始就已經少咗同你出街。
拍拖初期就羣體活動，到咗中期就必定難約佢，佢好忙架，
到佢有一日突然間搵得你好密，佢可能⋯⋯結婚搵你做『姊妹 或 伴娘』、又或者失戀、一係就生BB。
仲有唔好期望可以有好close男性朋友，因為男人始終都有老婆，佢嘅另一半諗咩都係正常。
可以選擇唔結婚，但一定有心理準備，老來孤獨寂寞。
建立一個自己嘅家庭，始終有個機會，老咗唔會只得一個孤伶伶。
女人係好怕寂寞㗎啦，仲要係好囉嗦，
我見過唔少女人，人到四、五十歲，唔結婚唔拍拖，好難相處。
有好多人仲係因為“傳統思想”嚕
好仔兩頭瞞，有d嘢就係睇下點做
唔通話揾個老公大方就要派錢比人咩
我老公係勁孝順，識我個陣講明佢係好孝順，有咩都會諗佢哋先。但因為霸王性格，如果我同老爺奶奶有衝突，邊一邊錯佢都會鬧，不過可能老人家就鬧細力啲咁解，而老爺奶奶因為老來從子，唔敢出聲。
呢十幾年佢都handle得唔錯。
人事關係，有時比柴米油鹽仲難處理
有女同事問過類似問題，
我話唔洗咁煩喎，
搵個孤兒就唔會有以上問題。
嗱照你字面好簡單睇（唔會好似其他人諗左去第二度)
我會選擇頂心彬。（因為頂心彬唔代表唔孝順，只係大家意見不一但可能佢內心都會關心屋企人）