同老公講開遺產問題。
如果第時我哋走咗，啲嘢當然俾晒唯一嘅仔。
但阿仔唔知我哋有咩資產，我叫老公預備定一張list，寫低我哋有咩保險、銀行或投資戶口⋯等等（唔係寫銀碼，但要寫低例如同邊間保險公司買、邊間銀行有乜嘢戶口⋯）。
老公覺得唔需要寫低，我覺得佢痴痴地。
點解佢覺得我哋死咗個仔就會知我哋有啲咩留低？尤其是而家好多轉左e state ment，個仔根本唔會知我哋有咩戶口。
就算連我都唔清楚我老公有咩投資戶口，佢憑咩覺得我哋香左，啲戶口/經紀就會自動去搵我個仔？
1個讚
佢係咪唔想話曬你知財政上嘅嘢？我有寫低自己同另一半嘅資料，知嘅就寫，不過暫時只係留嚟做紀錄同planning…
可能啩？！
佢似係覺得仲好後生，根本唔使擔心住。
但我覺得世事嘅嘢話唔埋。
我覺得寫低都好正路，唔通間間去問，點問呀
再唔係比幾千蚊搵律師樓立平安紙，平安紙係要list out晒你所有資產，而且律師樓亦會幫你keep埋平安紙，你唔駛搵地方放正本添，到時仲方便個仔。
如果樓主老公唔肯，樓主自己立都得架
3個讚
我之前一個人去旅行時，都寫低咗我有D咩嘢銀行同證券行户口，保單俾我老公。因為家中係我理財，而我又N咁多户口。唔寫低，佢真係唔知嘅。
我老公都覺得我傻。
其實又唔洗寫得太詳細，只要知邊間銀行同保險公司名就得，唔洗連户口名、保單號碼都知，因為有id no.一check就知，冇得呃。
2個讚
佢覺得你太認真做呢件事，過慮
呢個問題好好
啱啱都同老公傾過嚟
我哋阿囡仲細，萬一有咩事
我哋相方屋企人都未必知我哋有啲咩留比阿囡
所以老公都覺得係有需要list出嚟
搵律師做，律師係委託人就會通知你個仔
驚咪搵間大firm做
自己寫都未必有保障，話唔定老左癡呆呢 
1個讚
我係你老公嘅話，首先會懷疑你係咪準備離婚，分佢一半身家。
(我純粹講吓笑咋，樓主唔好嬲)
有時我好疑惑，係咪電視機劇情先有？！
除非係超級有錢佬或者超級大客，否則律師又無端端點會知你過咗身，然後主動聯絡遺產繼承？
都係要主人翁先前已講俾有關人士聽搵咗邊間律師樓（我識得有個人朋友父母就係咁，話自己已經立定平安紙，但又無講邊間律師樓，朋友話唔想喉住副身家咁，所以無問）
我6299生前係律師行立咗遺囑，正本俾我老公保留，因為佢係遺產承辦人。
1個讚
我99知道唔知邊個親戚攪到好麻煩之後，就寫左，授權比左c6
但我唔知阿哥知唔知
我6299係平分俾仔女，所以人人都知
，不過老公要做多D嘢。
樓主呢方面我可以答你, 你可以寫定張平安紙, 諗定邊個做執行人(可以係老公/屋企人), 如果你仔未夠18歲要搵AT LEAST兩個人, 否則可以一個做
平安紙可以唔寫有咩資產, 因為你講全部比晒個仔, 但你執行人要知 (知嘅程度係咩銀行/證券行/MPF/保險…有戶口, 物業咩地址)已經足夠, 可以唔需要知戶口NUMBER, 結存果D, 搞遺產承辦時律師會幫你寫去果D銀行/機構問有D咩戶口保險箱的
4個讚
咁緊張, 佢都應該好多身家。 的確係可以唔講, 但後人起碼要知道有呢樣嘢, 先會去LAWSOC做WILL SEARCH
1個讚
都係平分，不過好似係c6 負責
佢阿哥個人嚴重靠唔住
1個讚
該主題在最後一個回覆創建後30天后自動關閉。不再允許新的回覆。