google過都無咩資料, 就黎要報統一派位 
津小全部under教育局
可以只會係分好藍或者冇咁藍…
最唔藍嘅分分鐘係伊斯蘭、但你真係會簡？
如果真係要諗、簡有多啲後生老師嘅學校？
我自己又唔覺得太擔心、小朋友由n班起都喺基督教氣氛濃厚的學校讀、小學都係、又會比佢返兒童崇拜、但呢傢就八歲、都係唔信教。
所以唔駛太擔心所謂「洗腦」。
簡小學、按返小朋友能力同校風簡啦。
1個讚
多謝你既意見, 不過我都唔知啲學校多唔多後生老師
因為本身唔係住個區
可以上 schooland 睇，佢有列齊咁多間 4 年內、5-9 年，10+ 年 年資嘅老師，有啲學校校務報告都有寫，唔寫嘅話通常都有啲問題。
順帶一提：一間正常嘅津貼學校（只限津貼，直私官另計），4 年年資老師如果係大比例嘅話（超過 20%），咁就唔係咁好，如果係 50% 以上，咁你就一定一定唔好揀佢。強調係一定！
1個讚
好! 唔該唒你 
我有保留。始終宗教同埋寫係課本既野唔同。宗教擺明係可以選擇，但係你細個會唔會唔信教科書上面寫既野？1+1=2應該無人會話係假，但係聖經會當故事聽。
點解既？？老師做得耐唔係代表間學校好做同穩定D？？？
我識果間小學係old seafood 唔好
會打小朋友。新黎後生果d反而仲好
1個讚
咁多新老師，除時新手無經驗，唔熟行政，對校無歸屬感，除時唔like唔do唔理學生，同事又唔知合唔合到，開會講學生、學校有乜資源又可能完全唔清唔楚，又可能校長鐘意成日換人，或者係麻煩果類難應乎
將來畢業回校探老師，發覺全部走曬，無個識，真 
想回俾mmvmv，但tag錯 ocelotofun 
我意思係 4 年內年資嘅老師。
你可以望下協恩小學、旅港開平、蒙恩，新老師百分比都好低，就算係喇沙嗰啲，頂多都係 1/3 老師係四年內。正常老師唔會想走黎走去，做落一間開心就繼續。
雖然新老師係有耐心有熱誠，但如果上樑不正，好容易被磨到麻木，好快走，咁又黎一批新人從新適應調教。屯門有幾間係特別高而且出名寶校。寶校被評為寶校並非冇因。
我唔係話 old seafood 多就一定正常，但咁多新人嘅學校，就正常有限。
4個讚
Sorry sorry我個腦load錯左，以為你話越多新老師越好 
我開頭都係get到咁，再睇清楚先明。
的確有唔少人會諗「鍾意直私因為多啲後生同有愛心」，但除左神校/非常虔誠宗教校，一般直私流動性都好高，唔太多學校嘅 4 年內年資係可以低過 20%。一個老師如果唔係直私開條件好好（人工高過同資歷嘅人、有額外津貼），一般都想入返津貼學校有公積金，而且直私啲家長一般都條件都唔差，唔易湊，唔少覺得「我畀得起學費就要得到某程度嘅好處」。
呢樣野唔係咁多家長諗得通。
學校名包含住某啲省份嗰啲
唔係教徒會同你講宗教係選擇、但牧師同虔誠嘅教徒一樣會同你講神嘅存在同1+1=2無需懷疑、唔信嘅人係比魔鬼蒙蔽左眼睛。
如果真係好擔心、就要由細到大開始同小朋友保持溝通、大家要好好關係、等小朋友習慣由細到大乜都肯同父母講、先可以了解下學校教啲乜、老師講啲乜、小朋友又點睇學校教嘅野…
賣港班人、有幾多個係紅底學校出生接受過「愛國教育」。個個咪又係英小英中、仲去埋外國讀書… 97前一個樣、97後另一個樣班人、又有幾多人接受過「愛國教育」？
1個讚
直私既老師一般要renew contract，相對無咁夠膽hae做；
同埋有新人（年資5-10年）加入學校唔係壞事，可以將其他學校既好practice帶去新校，
最緊要management level 唔好大變，特別係換校長要小心。
另外，直私一般有得選人，唔需要請NQT(newly-qualified teacher)，同埋老師既英語程度一般比較好。
學校既education assistant/ learning support 人數亦比較多。
其實講到底都係資源分配既問題。
係，但係呢個社會仲有其他教，亦都好易接觸到，但係唔會有人同你講1＋1＝3或者1＋1＝4。
呢班人好明顯係假愛國，佢地係愛錢。所以唔關愛國教育事。
聯誼會？但嗰兩間都係區內數一數二。
最緊要自己教返小朋友分清是非黑白就得
我識得好多人都係讀洗腦校 （大陸）
教科書d文 係洗腦文 有獨立一科 同睇好多片 但係都冇被洗 
反而土生土長（香港）果d就洗得好成功
對，而家四十至六十嗰班中年個個都享受港英時期嘅繁榮，咪又係好多都收成期、藍、 「唔好阻住我返工」嗰類。
1個讚