黃Viu有得睇喇。番外係講大結局前嘅事，主上中殿超甜，但果個係張昭容嚟，所以… 睇完諗返結局仲虐
我覺得又未至於爛，副線各人交代晒，算係咁。一路到19集都做得好好。
唯一美中不足係主角「三角戀」，表面HE, 實質BE
除咗打大佬前不自覺吻別，之後乜都交代唔到，就咁返咗去
哲宗只可以同佢玩LD
請問玩LD 即係咩?
黃viu 另外開左頁放番外. 叫 哲仁王后：The Secret
我初頭都搵唔到.
Long Distance
哲宗流存後世張相
單向LD
1個讚
你分析得好好呀！
我覺得真係幾好睇，輕鬆搞笑得嚟又有嚴肅的故事。
兩位主角做得好好，發揮得好好。大愛！
結局係有D失望，不過奉煥始終唔係朝鮮人，佢返去現代係必然既事。果幅禦真睇到我喊。感人！
而其實哲宗真正愛既奉煥+昭容既mix 版本，咁冇咗一part 都仲有另一part 支持住既。所有人，經歷歲月點都會變，你問D老夫老妻，佢哋身邊的他/她真係從來都冇變過咩？就正如黎天王隻歌咁：誰是我的心中最美，往日的你。。。
我都睇完啦，最後哲宗留咗幅御真，證明佢相信之前嘅昭容真係來自二百年後，哲宗心中亦掛住奉煥，咁樣就已經足夠啦。其實昭容已經被奉煥影響咗，就算唔完全係哲宗之前鐘意嘅昭容，都已經好接近了，佢兩個都算係he
我覺得係奉煥自己最be，得返啲回憶，不過佢始終好鐘意女人，返去現代有得玩我諗佢都幸福嘅
呢度好浪漫…佢知道奉煥係未來會睇到
留比後生GE奉煥睇
個故事其實咁樣完都OK,否則好難交代
而且韓國人好保守,本身HEHE咁已經好難接受
點會講到佢2個開花結果
反而而家咁仲好D,2個男人瀟灑D
不過主上真係好細心…真係睇到心心眼
呢度野真係好好睇,開頭好笑…
亦都冇拖
好多野我自己覺得講得好岩…
- 中殿堂哥好似痴漢咁,講到咁愛中殿,點解佢成個人唔同左都唔知??
- 主上唔聲唔聲,但中殿講過GE所有野,做過GE小動作都記得,好上心
堂哥死果度我喊左,之前睇到覺得佢好痴線,但最後佢都冇變過初心,佢一直都保護緊中殿
主上單向LD真係…先笑後喊
有時D劇情唔使講到好出…觀眾如果有投入,自然會會心微笑
哲宗都比奉煥影響咗，所以先拋開門第偏見去了解中殿。所以就算發現中殿唔同咗，佢會有遺憾，但只要知道原來昭容一直都響度，有份陪佢渡過難關，我相信哲宗最後都會愛上佢
套劇好多浪漫位，19集，哲宗同中殿由帳幕出嚟，中殿話好凍，佢兩個嘅互動好有愛。互相確認心意後，果然台詞動作表情都唔同d
18集雖然睇到喊，但中殿掛住哲宗、睇胎教日記哲宗留言… 真係好感人。申惠善果段抑壓嘅喊，我無論loop幾多次都喊出嚟
仲有17集皇宮別苑拖手，依家諗返果下陶醉應該都係昭容嚟，我覺得果段好浪漫。
最初中殿暈咗哲宗陪伴在側，到串堂哥宣示主權、送中殿返娘家時道歉、黑粉、成集14集… 真係好多浪漫位不能盡錄。
哲仁王后仲要隻隻OST都咁正，配樂效果係錦上添花。哲宗出徵前搵大王大妃果段，我都睇到喊。果段用咗哲宗悲情OST淨音樂，好正。
中殿返去埋堂哥果段我都喊咗，好大程度受配樂影響。主上親唱果首OST得18集下集預告同19集呢段出場，好好聽。
主上份人咁實際認真，但原來真係浪漫情人。除咗記住中殿嘅說話，仲有好多細節位。例如真初夜之後佢搵中殿，對方千方百計避開佢，最後明知中殿響房，佢選擇退後一步，將見面主動權交比對方，唔強迫佢，呢度就好君子，顯示佢識得尊重中殿，重視佢感受。
番外吃醋篇，佢到最後都冇阻止中殿同果班男人來往，只係默默自己嬲爆爆
比中殿踢爆都只係話唔鐘意聽到人哋同佢講「我們」，中殿講得好岩呀，咁嘅老公真係cute爆
最後霸氣表白錫錫果度又係浪漫位，金正賢果下側頭型度
中殿向堂哥屍首表露心跡，主上陪住佢但轉過身，對佢要埋葬表示同意支持，仲叫堂哥安息，真係好有風度。轉身呢下動作我覺得金正賢處理得好好，完全表露佢尊重中殿私隱，願意比空間佢處理情緒，同哲宗一直人設好match. 我睇報導話佢開戲前煩咗導演兩個鐘去了解角色，果然認真對待角色出嚟效果係唔同，佢同哲宗同步率真係100%。
比較起嚟，堂哥人設係專情，但根本恐怖情人，中殿擺明鐘意殿下，佢都要害死殿下、迫堂妹同想殺佢嘅家族和好，仲要話為個堂妹好
佢覺得活著=幸福，有冇咁低層次真係好痴線。
我真係比申惠善同金正賢圈粉
申惠善個角色多發揮，但做麻甩佬好易over就變得好俗氣，難得佢處理得咁好，麻甩得嚟唔低俗。同埋翻睇返先發現，原來屍厥前後中殿嘅粗老都有分別，同哲宗越來越親近後都越來越「斯文」可能申惠善就係用呢d細節位體現出，由最初只得奉煥，到屍厥後二人並存，並且昭容一直有影響奉煥行為。
金正賢…佢個樣咁認真，但搞笑起嚟好有反差萌佢最初嘅皮笑肉不笑，顯示出扮傻仔嘅主上都有城府，到佢後來展露真面目後，呢個舉動已經冇咗；溫柔而堅定嘅語氣體現到佢角色嘅堅毅而善良。有幾場戲我印象好深刻，佢去探中殿時國丈出嚟接佢，見到佢即刻下跪，佢出於晚輩身份想阻止國丈，但下一刻佢稍微黑起面停止動作，完全體現出佢心底對眼前偽善者嘅不屑同討厭，再下一刻佢又扮溫和咁同國丈互相問候，短短幾秒鐘戲我真係大開眼界
仲有名場面關鍵一滴淚，我都睇到喊咗好心痛佢炸到落地再向中殿伸手果下，係前期劇情最虐心果段。
我都畀金正賢圈粉
初初係想睇崔振赫，跟住睇申惠善，後來就集中喺金正賢度。
金正賢啲眼神、氣勢同肢體語言都吸引到我，或者佢出道前演開舞台劇有關。
金正賢主唱首歌今日出
5:00 pm 
女主角好好戲…佢係樹林見到主上,大喊果度同埋拎住胎教日記喊,都真係令人好心痛…
套野好多細微浪漫位,浪漫唔一定要又花又燈咁誇…
個小朋友宮女假死,主上做個動作果下都好浪漫
證明中殿亂UP佢都好上心
但最欣賞真係最後個畫像,一個王,竟然唔介意用呢張相流傳後世
一黎佢係想比未來GE奉煥睇
二黎係佢相信奉煥講GE野
佢根本唔知真唔真,只係搏下希望遠方GE奉煥會睇到
呀…我係奉煥都肯定會沉船
1個讚
勁期待聽主上把聲睇佢行去打大佬，真係好有feel
1個讚
果下爆喊真係百感交集仲要明明喊得咁勁，但到金正賢講對白時佢可以收到聲，申惠善真係好勁
佢兩個配合度真係好高，成套劇火花四濺，CP感又強，如果可以再一齊拍戲就好喇
主上記性好到咁，應該唔會唔記得d乜乜紀念日
沉船會好虐，佢再植物人都唔知返唔返到去呢封給200年後的他嘅情信真係慌死你喊唔出咁
主上根本就浪漫底，趙花真應該用主上人設出佢下一部書
呢part申惠善演得好好，我睇咗好多次。