我未開呢套，但聽講睇到最後會嘔血同好嬲
爛尾， 對比前面集數d 劇情好似2個導演，2個編劇咁
今晚睇咗哲仁王后18 直播… 有兩個位喊到眼腫
等緊聽朝黃Viu版🥲
岩岩睇完女神而家開始睇
睇咗後半集無字幕版……
等緊晏啲睇字幕版
前半集喊咗
做定心理準備先
好在17集多高甜，翻睇頂住先🥲
申惠善真係好好戲，今集可惜冇乜金正賢。佢兩個d戲好到不得了
喺亭嗰part勁好笑，我睇咗幾次。
我鐘意睇主上呀
我都係
主上果下老虎手，仲有最後果幾下叫得咁狂野聽到好銷魂
佢兩個根本借d二乘機解「獨」
其實我個人鐘意別院拖手果段，好浪漫
14同17集真係可以不停翻睇
係呀係呀，睇佢哋啲表情勁enjoy，好好笑！
哲宗騎馬出現嗰度都正
14集我都睇咗好多次，正！
得閒就去youtube搵花絮睇
聽咗結局，有d惆悵。有冇JM都睇咗？
睇咗喇……個人覺得有啲sad……
1個讚
實在講唔上係happy ending…
劇透———-
對金昭容係，但對哲宗同奉煥…
哲宗又聰明又記憶力強，佢都已經發現咗中殿同之前唔同咗，覺得個心好空虛。最慘係就算比佢知道，都唔會搵得返真正吸引佢果個靈魂。
睇完番外仲愀心… 佢期待元範同昭容再見，可以認出佢時，響佢身邊果個係奉煥黎🥲
不過仔細諗返，編劇其實中間有著墨奉煥同昭容共生，而且醒返後昭容特質都加強咗，可能暗示奉煥好多諗法都受佢影響？好似響中殿娘家，璧咚哲宗果個明顯係昭容（所以可能佢都有老虎特性
），奉煥醒咗仲要自摑；自從響娘家醒返，昭容瞓覺變返淑女，哲宗都講咗幾次；初夜果晚奉煥見到嘅係洪燕，但昭容卻見到哲宗…其實昭容一直有份參與三人行，佢回歸自己身體係順理成章；奉煥最想返自己身體，而且男性特質一直存在，佢返到現代對佢都係好事；只有哲宗，最初可能對昭容一見鍾情，但真正吸引佢嘅係奉煥靈魂，對佢而言中殿既係戰友又係愛侶，就算愛上奉煥時有部分係昭容嚟，佢同奉煥之間嘅互動都唔係昭容可代替到。
所以聰明如哲宗佢一定發現中殿已經唔係以前嗰個中殿，所以最後佢同昭容講果句「敬語」對白，可能編劇想營造輕鬆氣氛，但觀眾如我就覺得好虐。眼前見到嘅係你，但內裡靈魂已經變咗，仲要永遠見唔返。所以「哲祖真像」先會用果張搞笑相，就好似係一封比200年後先出現嘅愛人嘅情書… 唉，明明係喜劇，亦明明可以用更樂觀角度去睇個結局，但我仲係覺得真心虐。
5個讚
我覺得完全係bad end 爛尾.
奉煥打生打死, 昭容坐享其成. 完全失望.
有乜理由咁重要嘅時刻要奉煥返去，呢樣我真係接受唔到。起碼親眼睇到主上奪回王位都好吖。
見到哲祖御真，咗跟住……
哲宗覺得心裡空盪盪，中殿性情又唔同咗，只會覺得奇怪，係唔會諗到靈魂穿越呢樣嘢，因為由頭到尾奉煥都冇講過比佢知佢係點出現，一切都只係眼前身為女性嘅中殿自說自話。
但哲宗應該會問中殿，因為張奉煥呢個名出現過兩次，除咗石頭刻字，仲有番外時奉煥刻意讚自己，當中殿變咗，再諗返奉煥以前嘅說話，聰明如佢應該估到八九成，然後就要睇昭容取態。
如果昭容唔坦白，情況就好似花真咁，哲宗可能只會收藏心裡唔出聲，就算覺得遺憾都會繼續同昭容生活落去。而佢果幅禦真… 就會變成因為遺憾而抱著一絲希望、希望留到比200年後大韓民國嘅男人嘅情書。
如果昭容坦白，身為君主同身處朝鮮時代嘅佢可能都接受唔到自己愛上一個男人，但由於昭容一直同佢哋三人行，唔止有記憶，仲有時左右奉煥行為，哲宗應該比較容易接受自己愛嘅係昭容但同奉煥意氣相投。咁果幅禦真就係抱有感激而且可能夾雜住一絲微妙感情、留比奉煥嘅「感謝信」。
我覺得編劇都係向呢個方向去諗，所以劇透時每次都係用「戰友愛」、「意氣相投」去影容哲宗同奉煥之間感情嘅升華。
但係，堂哥以死相救、哲宗搵到中殿果晚，主動同哲宗擁吻果個又係邊個？去打大佬前不自覺強吻哲宗果個又係邊個？如果係奉煥，真係真心虐🥲我唯有諗昭容內心感受一直都左右住奉煥行為，然後二人靈魂互相影響，先得出對哲宗既有昭容嘅愛情，又有奉煥嘅友情嘅新中殿。所以當奉煥離開，哲宗仍會響昭容身上搵到奉煥影子，昭容就好似同一人嘅副人格；而奉煥終於可以從昭容對哲宗嘅愛情中抽離，唔洗成日懷疑究竟係自己愛哲宗定受昭容影響。
好耐冇試過追韓劇，呢套劇前19集同番外都真心推薦，令人感受特別深嘅劇往往結局都會帶有一絲遺憾。金正賢同申惠善演技真係一流，可能越拍越有默契，哲宗中殿之後嘅互動好感人自然，係可以睇到感動流淚。
1個讚
我都係，對哲宗同奉煥都係遺憾，估唔到出發打大佬前果吻係用嚟告別
結局好爛尾，好多野都冇交代好
好似會出番外，希望可以講多少少