假設兩夫婦無仔女，結婚10年。太太本來有工作，早2年太辛苦就辭工。丈夫繼續工作。沒有經濟壓力，關係良好。
星期一至五丈夫有時work from home, 星期六日9成9係family day，多數兩人去行街拍拖
太太有時會約朋友出去，因佢朋友多數唔使返工，一般會一至五出去
今日太太同丈夫講話星期六早上想同朋友去行山，全女班，無預老公。老公聽完有少少唔開心，但無表現出嚟。老公一心諗住今日星期五聽日放假可以陪吓老婆，點知老婆日日都可以出但又偏偏揀星期六（雖然明係朋友揀），心中不是味兒
大家覺得個老公有無問題？
嗱，唔係我呀，我返緊工㗎
我唔覺得老公有問題，一心期待同老婆行街，但老婆放飛機～
咁星期六朝早行完都仲有晏晝夜晚同星期日既
老婆明知星期六日係家庭日，其實可以同朋友講改時間（反正本身班朋友亦唔駛返工），
但我亦同時覺得老公會唔會太痴身？或者痴身用得唔好，我意思係佢應該都有自己朋友圈掛，佢完全唔約朋友？有girls night out, 亦都可以boys days out
幼稚
偶然一個星期六我覺得OK
老公難得星期六想同老婆拍拖，點知食檸檬，老婆唔醒目囉！
解決方法: 放朋友飛機/下午幾攰都同老公拍拖補飛
我都係咁諗
老婆都要抖氣，MON-FRI WFH機乎日日對，星期六對少一日唔覺有問題。
『一心諗住』即係無講過出口，反觀老婆將會有節目就開口同老公講。
成年人啦，有野咪講出口囉。
老公唔係介意自己一個人，係介意老婆揀自己放假日外出
邊個先
anyway 個老公都唔係真係嬲嘅
Yes I think so too
介意咪講出口囉，心咩中不是味兒。
的確係。仲要個老公work from home 特登多啲返公司，等老婆可以多啲私人時間，唔想自己喺屋企好似阻住佢咁
點知到頭來個老婆仲話星期六出去
唔係，個老公係特登安排到多啲時間返公司，特登一至五比多啲空間個老婆
我可以理解老公心情.
但如果一次半次就算啦
做老婆應該識做, 星期1至5有得去就算, 星期6日要留比老公/屋企
一次半次我覺得ok嘅
咁佢又唔想話咁小事出聲，我無奶油連佢心中有不快我都阻止啩
我都係咁覺得，老婆係做得唔夠好，不過一次半次算啦，況且兩公婆唔係講啱唔啱好唔好，係講互相遷就
一次半次無所謂
星期日都仲可以二人世界