日日湊2個加做家務煮飯，已經無晒自己，細果個bb晚晚訓唔好，一晚醒幾次，有時仲唔肯訓，就算夜晚佢地訓左覺，都要隨時stand-by，因為我係埋身，叫老公作用不大，同埋佢要返工，大部分都係自己黎，攰都算，生前我都預左，但我真係攰到唔想扑野，有時間我只想放空，當然我有時都會交下功課，但有時真係唔想時，可唔可以唔好講我講：咁我去找第二個，去叫雞囉，唔理你講笑定咩，係嬲嬲地，純呷
嬲嬲哋咋? 
2個讚
呢樣好過分wor！
痴線係我會嬲到分開冷靜下，呢樣嘢絕對唔可以攞黎講笑/發晦氣
你不如反駁佢：咁我都搵過有錢佬唔洗同你捱咁辛苦
1個讚
我都好驚訝…叫雞都講埋出口竟然只係嬲嬲地
1個讚
我C6好多年前講笑咁都講過同類說話, 當時我好認真答佢… 夠薑你就去… 你承擔得起後果, 就go ahead…
1個讚
嘩…啲男人只係識諗自己生理需要。
唔去諗下老婆仔女感受。
有個叫雞老豆被同學仔知笑到𤓓。
樓主冷靜過後同你老公傾下問佢個次係發脾氣隨口噏定佢係認真有叫雞既意欲？
1個讚
突然醒起有男人叫完雞， 接個仔放學⋯⋯
我知無論佢係講笑定點，都唔應該講， 所以我都有同佢嘈，不過佢好似都係唔明，之後我都無謂再講，但又未去到勁嬲勁嬲，唔知係咪已經俾生活迫到自己無空間時間去嬲，問係咪唔愛佢，又唔係，但有d感覺已麻木左，例如以前見到wechat，佢同女仔傾計會好嬲，但而家無意見到，都唔想花精神去嬲，我都唔識講，好似無左自己咁，日日都好忙
1個讚
我都唔明就算成日話返工攰攰攰，但都咁有精力用下面諗野
樓主係咪好耐無二人世界？
如果太耐無二人世界，抽一晚俾長老睇住小朋友，兩公婆拍下拖
搞錯。咁樣講嘢。
有啲男人真係好自私。
2個讚
定係佢一早試過，宜家試探你？
2個讚
又真係好耐無了，但又無得放低俾長老
其實都唔出奇
送個飛機杯+枝ky俾佢啦
不過認真的，佢都講到出口，點都要正視下
平時有無親戚朋友可以幫你地湊幾個鐘，等你可以同老公拍下拖？雖然聽落好難但為左夫妻關係都要架，又或者係嗲下老公叫佢幫你做下家務，再暗示下你今晚ready……
唔好第一時間覺得老公咁講好衰，佢都真係有需要，想同你親熱啫（但又唔識婉轉表達），如果佢要叫雞，叫完你都唔知啦
以前我老公都傾過類似問題
我老公話男人好想要果陣、但被拒絕
果種失落同「燥」其實係好大
可以樓主先生果刻係谷得好辛苦先衝口而出…
你地段關係有啲危
呢個係男人最容易出軌既時候，不少人係仔女最細既時侯離婚
有冇聽過, 女人的前戲係提前24小時. 即係唔係淨係上床插入前先係前戲, 而係男方有冇在日常生活表現關心, 付出.
啲男人平時由得女人湊仔辛苦到死. 仲想女人滿足男人性慾, 真係當自己大爺.
2個讚
生完之後真係唔想做，老公有時其實都會幫手做家務，但俾我感覺係為左上床先去幫手既感覺，知佢果日想要，我就自然咁想避開，都唔知點算，真係無左性慾，勉強去做好辛苦，另一方面佢又咁想要。當d女訓晒覺後，我只想攤係梳化度睇下電視電話，有時佢會係度陪我，但我知佢陪我既最終目的都係為左上床，反而令我好抗拒