BTW ,我係支持連登 
袁偉豪日前一臉倦容出席台慶活動，被連登網民出 post 指：「袁偉豪個樣發生咩事？而家個樣直情可以用醜男嚟形容」「個樣似中咗幅射」，袁偉豪似乎都有睇連登網，仲應該睇到怒火中燒，以千字文反擊連登網民，更 hashtag「口業」！
袁偉豪話因為拍劇，唔可以食太飽，因為「肥導致上鏡不好看」，又話台慶當日起身做運動就要出席頒獎禮：「我承認係有啲攰，出來的效果並不是理想，冇辦法。儘管你們覺得我是結婚後走樣，甚至乎醜男也好！感謝大家在（連登）特意地為我開一個話題。」
除咗殘爆，袁偉豪近年被網民討論嘅話題同批評離不開「演技差」「食軟飯」等，佢嘅千字文似乎都有備而來，回應呢啲指控，指自己供樓，自己養老婆，否認咬老軟：「我努力工作賺錢來照顧家人，努力工作賺錢去照顧我老婆，努力工作去賺錢去供樓，那麼我面容略為攰一點也是正常的，好多謝你們的批評！」
袁偉豪仲叫網民繼續批評，成為自己努力嘅動力添：「請你地繼續去批評我，繼續話我食軟飯，繼續話我去做鴨，繼續話我一味靠黐，繼續話我做戲好屎，你們的負面批評只會讓我繼續努力去做好自己！」
一世人嘅黑歷史