佢自己同仔上zoom又free rider, 個仔自己拎左架車出黎玩，都見唔到。
但轉過頭就鬧我教仔講野有問題，佢話我講野無邏輯。
佢話我有時叫佢自己試下寫，又唔俾佢寫呢度，又唔俾佢寫果度，話我咁講係自傷矛盾。
佢成日聽住我教仔講乜，然後就捉我某一句對白講錯，有時會話你同佢講佢錯左，應該之後點點點，唔係咁咁咁。
俾佢教又教唔惦，阿仔又係佢面前坐唔定。
樓主係FTM？
所以老公「expect」你應該可以跟得小朋友貼d？
（唔係話佢啱，只係想知佢出發點係點）
我係呀，但佢自己都教唔惦，無乜資格話我。
咁講啦，我覺得都要fair d
小朋友大家都有份，唔可以只關FTM事 or 爸爸事
呢樣嘢你地兩公婆要好好傾下
但係…
你作為一個FTM，跟貼d小朋友嘅品行同功課又真係你應該要做嘅嘢喎
大家可能都要再行多一步
一向都係我教阿仔做功課讀書，我自問真係教得唔差，但佢成日都話唔係咁教，好煩。
咁呢樣嘢你地兩個要有共識
我就覺得應該係佢跟你呢套方法，因為你係主要去教嗰個
就好似你唔會去comment佢返工要點返咁⋯⋯
大家真係要好好傾下，否則小朋友越大摩擦會越多
咁行為呢方面呢？
因為同學業係兩樣嘢
兩樣都好乖，佢係執我某一句講錯，我先唔鍾意。
咁佢似係睇你唔順眼多於係教小朋友嘅問題喎
Or佢覺得自己好醒，覺得你要比佢話？
我都有個咁嘅老公 
問題係佢自己都冇身教
做乜成日send啲教育文章借口話我
同樓主好有同感！
因為你地都做得太好，佢要擦存在感
其實佢肯俾心機去教好個仔係好難得㗎，勁多爸爸完全唔理。
佢吟下你咪由佢囉，不過請佢唔好係個仔面前講，唔係個仔會唔受你教，覺得媽媽唔掂
要兩公婆有共識，如果老公唔想親身參與，就唔好咁多爹，要跟你嗰套，如果佢願意參與，做仔仔生命嘅一部份而唔係一張銀行卡（有錢嗰個），咁佢就要同你坐低傾。
兩公婆都係新手爸媽又唔係育兒專家，做得唔o岩大家要包容下囉，下下指責咪又係係小朋友面前做壞榜樣