娛樂園講聲色藝…佢有邊一項勁丫
早前林曉峰在《全民造星》時做評判時，因言論太過火而激嬲一眾網民，有網民更直言：「冇林海峰你咩都唔係！」早前他出席ViuTV節目《晚吹 — 有酒今晚吹》做嘉賓，又提到入行因家姐林珊珊、哥哥林海峰及舅父狄龍的關係，外界對他的評價所帶來的困擾。
林曉峰（阿Lo）為ViuTV《晚吹 — 有酒今晚吹》做嘉賓，與主持人強尼、練美娟和黃詩詩大講他在娛樂圈多年的經歷。林曉峰自1993年入行，當時有很多人指他戴著家姐林珊珊、哥哥林海峰及舅父狄龍的光環入行，無形中就會將他們三人作出比較。
點擊圖片放大
阿Lo坦言入行背景太好卻是壓力的來源，外界不會因此畀面自己：「從來冇人話我做得好，係調轉！當你有咁顯赫嘅背景，個牌坊咁厲害，就算你做幾多嘢，都會覺得你唔好，佢哋最好。」眼見身邊家人有一定成就，又是最Top DJ，舅父狄龍又是東南亞影帝，所以林曉峰不禁說：「我係點做都死嘅。」
點擊圖片放大
不過入行一段時間後，林曉峰的想法有變，笑言自己的外貌及學歷，「其實能夠捱到而家都值得感恩。」最初他覺得背景好是障礙，不過入行十多年後反而感激有一班好的家人，入行能有捷徑是上天安排，所以他更珍惜家人。而離婚後的林曉峰對做人更有所感悟：「而家呢個年紀，更加覺得開心就得，能夠同所有合作夥伴遇上已經係開心事，開開心心去做所有事，暫時係我嘅任務。」
+3
點擊圖片放大
