我自己就好似真係好耐無見過，今日見到呀🥲
個媽咪帶住個小朋友啱啱係d商業大廈行出黎（應該係上完d興趣班/補習）
鬧個小朋友嘅內容大概係媽咪同個小朋友講野時，個小朋友無望住佢（可能講過好多次）
跟住好大聲一嘢車落小朋友塊面度
小朋友大概5、6歲到，當然即刻喊曬啦
唉… 我覺得如果繼續停課，大人小朋友都壓力爆燈
我今日都爆過我仔，只係我唔會走到打小朋友呢一步，所以今日見到有媽媽當街打仔感觸比較深
我最憎呢一樣
2個讚
好慘，打都唔好打臉，影響自尊
大家係媽媽就知道有時唔想隨便批評！
因為有時聽到個啲「唔識教就唔好生」係嬲的！
我都有次係街到少少鬧啊女幾句，啊女喊，我嬲到震冇出聲，大家企係到。！咁岩有個男仔同婆婆行過，男仔問婆婆「點解佢喊既」婆婆話「佢激嬲媽媽啊」「你叫佢同媽媽講對唔住，叫佢媽媽唔好嬲啦」
老實講個刻聽完，唉，算啦，唔好嬲喇。
依家諗返，都多謝個位婆婆！
11個讚
打面影響埋個腦呀
1個讚
講真今日心情特別差
（當然唔係合理化打仔）
今日我對住d女都覺得好難過
1個讚
而家係極少，不過都見過1、2次，小朋友眼神好無助好可憐見到心酸，心諗而家乜年代 
打還打，唔好打面，唔好係公眾地方打呀⋯⋯小朋友都要尊嚴呀⋯⋯
1個讚
大人小朋友都慘，但小朋友完全係冇得反抗受晒…
學校冇咗日常嘅功能，家長緊張成績就靠補習。
2個讚
講起打面，我細個曾經都被啊媽打過一次面
雖然果次係我衰，但小朋友真係會記一世架
3個讚
我無試過當街打女
但試過嬲到就咁坐喺地下攬住個女喊
嗰種又嬲又激心又無奈又痛苦又失落的感覺
真係點滴在心頭
5個讚
我都冇試過當街打，只有駡！有時真係好嬲會一齊企係條街冷靜下，呢種生活何時才完結？
1個讚
勁憎人打面！打親面即係自己控制唔到自己，咁你又有乜理由要求個小朋友控制到自己要聽你話？
1個讚
我老母都試過出手，做埋啲咁既野真係會令人好憎佢，事後試過同佢講返，Ｎ個理由為自己辯護～太嬲，控制唔到先咁樣乍嘛！
人人都有控制唔到情緒既時候，但唔好寬己嚴人咁雙重標準先得架！
當街打小朋友， 我未試過
疫情下， 家長和小朋友都已經谷爆了
一定係事實
其實真係會激心 真係會谷爆 由其成日對住博咀 講唔聽既小朋友
呢個係咪要去到小學先會呀？
打完佢記你一世，咁有乜為
我估個媽咪都係嬲到一個點，所以失咗理智
我都有試過細個畀阿媽打面…咩事邊度幾歲, 我完全記得晒, 但原本對細個時其他嘢都無咁上心…所以話打面真係記一世!!
1個讚
我覺得父母好多野要學