我bf屋企都幾多家庭聚會，伯母成日都好熱情叫我上去食飯，我得閒都會去，有時我都會單拖上，不過大部分時間我都會買靚水果上去
最近伯母生日，bf家姐包辦一切負責下廚，請唒佢地核心家庭成員合共7人，bf臨時有事黎唔到，我都買左水果單拖上去，大家傾傾下計bf家姐講左句話我又上黎痴飲痴食
可能係講笑掛，但語氣上我唔覺係講笑，佢講完之後全場靜唒,之後我同bf講對佢屋企有陰影唔想去咁多啲聚會，佢ok，但係黎緊大時大節又好多聚會又好想避，點算好？
除非結咗婚，否則都唔好一個人去d家庭聚會
24個讚
直頭唔去，又未結婚，毋須負呢啲責任
14個讚
吾好去一排， 睇下點先。
5個讚
咪回佢一句：係呀，好過出去快餐店食
2個讚
未結婚前我唔會自己一個上老公屋企食飯，去親都會買啲嘢上去。佢屋企都係大家族，我覺得始終未係有名份，單拖去食飯都唔係咁好。
或者你可以試吓同男朋友講吓呢個concern，消失一兩次飯局，再睇吓咩情況先。
似真心說話喎 如果係講笑見全場靜晒都知講錯野會打圓場啦
8個讚
唔知人哋家姐乜性格，但我會視為有骨嘅說話。
下次要你男友一齊先會出席，你仲未入門，係冇需要受外人氣。
5個讚
未結婚我未試過單拖上去，始終唔太自在。其實呢啲聚會，我通常可免則免
3個讚
我覺得佢家姐介意,咁你少D上去啦
4個讚
未結婚單拖上去又的確冇咁好睇，你話當你外人定自己人好啦？
我同老公拍拖十年結婚七年都冇試過係佢唔在場嘅情況之下同佢屋企人食飯
我覺得好唔自在
1個讚
男朋友聽到女朋友話唔上自己屋企正常都話屋企人講笑唔洗在意，但依家咁直接話ok，個家姐可能係個細佬面前講過d野
1個讚
我覺得家姐係覺得你又未嫁入黎 馮咩要我咁辛苦煮埋你果餐
2個讚
講笑都唔係咁無禮貌咁對自己細佬gf 吖。我唔會再單拖去。
2個讚
唔知點解，睇到佢家姐咁講，我都興興地，又唔係兩手fing fing 上去，又唔係無禮貌，都咁樣講野，堅嬲咗！
唔去咪唔去囉，唔得閒，無時間。真係有心，遲啲約伯母出去飲茶仲好。做咩要咁樣令到自己唔開心，登你唔抵
婚前婚後都唔會單拖出席
有啲野可以唔去就唔去，始終都唔係自己家人
2個讚
如果只係女朋友身分就唔好單拖去呢D家庭聚會，如果你自己都覺得佢句說話有骨就相信自己嘅直覺啦。我未嫁前係唔會單拖出席男家聚會，就算嫁咗都甚少單拖出席。
自己單拖就唔好上去
係咪你男友成日無夾錢之類?