調查指6成教師贊成恢復回校上課
(香港電台)受新型肺炎疫情影響，所有中小學及幼稚園聖誕假期結束後，繼續暫停面授課堂及校內活動，直至今年1月10日。
工聯會屬會的教育工作人員總工會一項調查發現，有大約8成受訪的中小學老師，需要在暫停面授課堂期間回校當值，當中6成老師每星期約回校2天以上處理校務，2成半老師需要回校5天以上。會長余綺華表示，情況反映不少學校未有響應政府呼籲安排員工在家工作。她又說，網上教學不能取代面授課堂，6成教師贊成學校安排學生回校上課，認為面授課堂比網上授課的效果更好，能更有效評估學生的課業。
有中學教師說，網上授課令學生缺乏用紙筆作答操練試題，將會影響真正考試時的表現，他又透露曾經聽聞某間名校有學生進行網上課堂時，將個人照片放在電腦鏡頭前，欺騙老師有出席網課，但實際上並無聆聽老師講解。
工聯會立法會議員陸頌雄，促請政府盡快公布小學呈分試和中學文憑試的調節方案，減輕學生的考試疑慮，並呼籲學校減輕教師的行政工作。
工聯會 …
其實可唔可以返學上堂係取決疫情唔穩定、
問贊唔贊成、我諗九成家長老師都讚成傢啦。
佢地冇公佈有幾多人受訪？ 係咪唔計有疫情情況下回校上課？ 教聯會做d 調查我就唔信了 
對住空氣講書，又有學生唔開鏡頭，打機又有，教完等如冇教，又要比功課
梗係寧願返學
我都寧願返學，我嗰兩個係小三以下，停左好長時間。
可能有啲媽媽一對一會搞得掂
我返工之餘，收工一對二，功課x2 ，學校打來x2 ，得放假時親子關係先好啲，Zoom完又唔識，我收工返去先由頭教過 。
小朋友攰之餘，我都攰到邊教邊要飲茶提醒。
有限度去復課，再唔復課，真係會多幾單阿媽殺仔女或殺自己既新聞。
啲 Band 2 尾、Band 3 老師簡直係慘，上堂冇人聽，拍片肯定冇人睇，完全唔做又唔得。
不過咪話 Band 2、3，Band 1 都出事，追功課、做作文，樣樣都麻煩。教幾次仲有人跟唔到，等學生畀反應打字又麻煩，老師寧願返工好過。
我喺屋企見住個仔對住個mon不停不停發夢直情想抽起個ipad車埋去、後尾冷靜下同自己講其實佢喺課室發夢遊魂我都控制唔到
所以好明白點解之前自殺個媽媽點解想殺死自己個仔
我都好想復課。
係人都知面授有效，佢哋個調查好似無理到停課嘅原因，淨係評論有冇效有乜意思
教聯會係工聯會屬會，講嘅嘢唔駛信晒。
工作量上係想復課既 但係疫情黎講 真係博唔過
我想問, 香港除左公務員, 有咩公司仲響應緊WFH?
我公司從未行過WFH, 我亦覺得越黎越少公司行WFH囉~
唔好禁離地啦~ 工聯會! 醒下啦
馬會同NGO都有
其實、尤其中小企、有幾多負擔到員工wfh, 要你每14日做一次檢測就有。
根本就係咁… 我地D 議員, 政黨, 政府可唔可以唔好禁離地…
教師自己都唔係wfh啦
我識4個親戚/朋友都唔係公務員，都可WFH, 佢哋有一個共通點—返中環。而我就係第五個，但我唔係返中環的。