非常認同
for減肥黎講，3個月20磅，0運動，唔使餓肚皮，每餐食飽飽… 仲想點
如果食乜都唔肥，使鬼減肥咩
我已經無行Keto好耐，減磅後真係無反彈（肥反dd好正常），疫情關係我已經2個幾月0運動，連步行量都超級少，有食下carbs（不是喪食）eg pizza、芋頭酥、中式點心，依家過埋個年（尋日食乳豬、盤菜、煎年糕3塊、一大pack外國size 薯片），我今日影相仲OK
我老公都話，有無搞錯，半夜食完薯片都仲係咁
其實無人會係一日之間肥/瘦，最緊要知道點樣分配quota，留d quota比自己最鐘意食嘅嘢度，唔好乜都要食
3個讚
非常認同
睇過一個blogger話，大多數減肥者既努力未至於多到值得有open day（掉返轉唸，超努力減肥既人亦唔會需要openday卦），又話好容易會濫用左open day，例如一星期1次變成一星期2次、食1舊變成食2舊，etc.
打緊呢段話既時候我覺得好慚愧，成個2月都放縱自己 
新年並非藉口，只不過係我唔夠堅毅啫 
希望我都可以做到 
本來計劃行3個月生酮，以原定時間來計，都差不多要報告一下中期成績啦
昨晚宵夜前（農曆新年暴食後）比1月剛開始時（聖誕暴食後）輕左8磅（P.S. 12月個次暴食誇張好多)，但睇返數據覺得係一月底斷食3日既功勞多D
可能我真係食得太差，成日爆卡路里
到底我既身體識得燒脂肪未呢？ 
因為食左宵夜，想斷食返16個鐘，skip左lunch
人算不如天算，4點整cheese cake個陣試味，一放左野入口就開始好肚餓，所以斷食失敗⋯⋯
snack
2塊生酮朱古力曲奇
kale chips
整cake時試食左好多 
晚餐
3片生酮年糕
蔥花煎蛋（鴨油）
一大碗辣椒油撈西蘭花、三色椒、少少洋蔥
整完cheese cake有filling剩，食埋
1/4 cheese cake（未雪得夠硬，但超好奇 
所以照切來食）
即係總共輕左8磅? 咁都唔錯丫… small wins should be celebrated too 
身型呢? 肚腩位嗰啲有無瘦到?
你目標係減幾多?
我覺得你可以認真再考慮做下meal planning, 睇下自己食嘅嘢嘅營養同份量. 同埋再堅持下, 比啲時間啦, 肥咗咁耐, 先兩個月啫, 都唔可能一下子瘦咁多㗎
我2020年Q2尾受 yeah yeah 啟發都做生酮, 2個半月多啲, 減左陀bb 最後嗰15磅, 都無反彈. 再做多次生酮係想keep 住健康同睇下有無突破. 其次就係慢慢開始每日做少少運動, 修下身型… 要繼續努力
1個讚
最緊要係自己enjoy就得，我會問openday係純粹想知知會唔會入到酮就唔怕，純粹想多個了解咁
1個讚
哦, 入酮係一個狀態, 唔係永遠, 所以睇個人有幾想keep 住
1個讚
午餐
1片生酮年糕
guacamole
紹菜
1/4 cheese cake + 椰子粉
2塊生酮朱古力曲奇
晚餐
三色椒洋蔥炒肥牛
生菜
1/4 cheese cake + 肉桂粉
6粒腰果
如果預埋出酮後反彈，我仲要減多8磅 
我覺得唔太值得開心，因為呢8磅似乎係72小時斷食既原因多過keto既原因，正常飲食時體重體脂都會固定係某個range浮沉，所以我對自己充滿懷疑。而家體重已經去返之前個range，不過體脂應該有少1%
有時覺得個肚好似扁左小小，一食左野就漲返 
呢排過年暴食我都無度身啦，擺到明肚腩大左 
一開始個陣日日食一樣既野，我已經同媽咪傾過，我寫低左有咩可以食，希望儘量一星期內咩都食過下，實際執行發現仲係好多時都會同一樣野連續食2日，我唯有同自己講最多連續2日好啦 
而家我應該要注意份量，每次驚爆蛋白就補多D脂肪，實爆卡路里
我舊年plan個陣撚住超認真咁每次食野都磅重量然後google營養成分來計返數 但實際上都幾有難度，例如肥牛，有時肥D有時瘦D，但參考既營養成分表都會用同一個，咁咪唔准 
；煮之前逐樣材料磅一次，撚落都覺得好大工程；有時趕時間或者外面食，又會無左條數
想請教你係點計數既呢？
so far 你覺得有突破了嗎？
斷食可以輕到8磅咁多… 咁… 似乎係減水腫喎. 體脂分別就準啲, 你可能再比啲時間, 未去到fat adapted 啫
我唔係經常磅重 (成日都唔記得) 但總括嚟講我2020年嘅時候行咗兩個半月多啲, 就總共輕咗15磅. 體脂我估5-7%? 我用個估字係因為之前同之後嘅數字來源係2個唔同嘅磅. 但如果用眼睇, 係明顯上半身薄左, 腰瘦同平左, 腿無咁腫 (係好幾個人都係咁講, 唔係幻覺)
2個讚
其實我真係好求其, 無用過磅去磅食物
我最初一星期有用過個app (carbs manager) 輸入食物同靠我自己估嘅份量 (例如用拳頭) 去睇下大概點食去做meal planning, 之後都無啦. 基本食多啲菜, 一啲肉 / 蛋白質, 再加油, 覺得飽就唔食
唔覺有突破 不過可能係之前就算唔係生酮都盡量低碳, 所以身體都適應左
跟住琴日同今日心血來潮, 同朋友2個一齊做2日蛋斷, 今朝起身明顯腰同腳幼左啲, 可能係前排多左啲碳水少少腫
我諗… 你隨心啲啦, 有壓力都會有影響㗎
for我自己，最理想係每日有一餐食牛油果，另一餐再撚食咩其他脂肪。check返飲食記錄，發現我亂食野個排咁岩係無牛油果（或者買左未熟）個排
另一餐會make sure有蔬菜類先，然後再撚食咩脂肪
可惜好多時纖維方面都只食左三色椒、番茄之類而非綠葉菜，始終depends on媽咪買左咩
脂肪list入面有肥豬、肥牛、蛋、雞翼，輪住食，儘量試唔同煮法
之後會試下一個星期一次包/quiche/cheese cake 
可以同朋友一齊生酮好開心呀 