家中小孩將要選中學，除咗成績表，請問仲要準備D乜？係咪要做份portfolio?有冇經驗媽咪可以分享一下？
我嗰時印左十份portfolio，Download填好十間預佢會叩門既學校form，mark底每間既Deadline，請定幾日假。
請問portfolio 內應包含什麼？
好似係5，6年級既成績表，獎狀。太耐其他唔係好記得
你聽早再問其他JM好啲。
我無整過Profolio. 自行嗰兩間學校，一間只收成績表副本，一間收成績表副本同四版證書副本，啲證書係校外的。仲有身份證副本、學生相。兩間都唔收其他嘢。仲佢記得啲校務處職員會睇你交乜，當時我帶住好大疊影印本，喺要求以外嘅嘢，睇都唔睇，全部俾返晒我。
最好睇清楚學校網頁嘅交表要求，做多咗係唔會睇。叩門唔同。
我嗰時報嗰兩間係band 1 a，兩間都收到通知。可見佢哋睇教育局的成績第次係非常重
唔該晒！ 
其實自行衹要四至五年級的成績就可以,加上其他體藝有什麼比較好的獎狀就夠. 多啲同孩子訓練一下口才及表演,最好在公園玩時候間中向著父母自我介紹一下,父母就提問一下一些普通問題就更完美(藉此可減輕在陌生地方心態,從而在自行學校表現時輕鬆表達)
Portfolio : 成績 ＋ 體(如有) ＋ 藝 (如有)
跟住就係面試啦，講到底都係成績最緊要，其他都係錦上添花。
除非你入到港隊，做到精英運動員就另計啦…