離婚啦樓主，呢個人呢個家庭太toxic，只會連累你同埋小朋友
1個讚
樓主,你醒下啦!你老公係"而家"唔想同你離婚住,所以咪對你好返D囉!因為對男家黎講,而家唔係最好時機,但當男家準備好曬既時候,你姑奶第1個提議搶你個仔再一腳申開你…
3個讚
唉，好多女人都自己呃自己
如果佢有眼睇，應該好耐之前已經選擇離開
依家都未走，又無特別事情發生，唔會走啦
我覺得係雞與雞蛋關係…
如果樓主唔係俾人睇死唔會離開，老公都未必會咁對樓主
有D人離婚係好攻心計架,你老公完全信唔過!你自己都安排定D錢同仔果D野啦,我眼見朋友離婚打官司,好彩係佢堅定提出,殺男家一個措手不及,但係男家都係咁玩野仲想搶走小朋友!
1個讚
姑奶欠人幾百萬,佢老公同奶奶賣樓幫姑奶都似
1個讚
問得出呢句，樓主真係好自欺欺人
佢連尊重你都無
剛見到
真係嚇死人
樓主對佢老公嘅愛仲有懷疑，我真係唔知講乜好
1個讚
樓主，乜都唔使理，我同好多人既忠告︰走人走人走人
1個讚
我老爺奶奶都係呢種人
冇錯啊，老公唔俾錢養家都算
竟然仲要揹住條債，輕則抵押層樓你地隨時冇屋住，重則要樓主幫手還
1個讚
重點重點重點 
所以唔離婚住，拖多個人落水幫手
1個讚
嗯, 我唔知佢咁做係真有心改善番個關係定有心計去搞離婚, 我而家開始會去做好兩手準備先至再搞離婚, 而家貿然去攤牌, 我其實乜都冇
(男家搶唔到小朋友, 小朋友親我又最親我娘家, 而且我又有經濟能力, 只係冇屋住啫)
1個讚
唔會掛… 冇人知我知道左呢件事…
俾個建議你,到時真決定離婚,第一時間帶個小朋友走! 因為法庭判俾你之前,小朋友跟爸爸或媽媽住都係合法,我朋友都經歷過"搶仔"呢個階段 
2個讚
其實唔係真係要你幫手還債，問題係遲早你會覺得屋企冇鬆動錢，買一樣嘢要諗過度過
呢個男人睇唔穿，好無安全感。又唔幫你又約即約離，咁多懷疑，比咁多煩惱你，相信你做好斷捨離你會開心好多。
計劃好，耍脫走。
點解突然攤牌嘅？
借錢同煩西果d，你睇電話睇到？
1個讚
小朋友所有洗費都要keep單，
離婚要洗費做數據。
唔好幫小朋友同爸爸影合照，
以小人之心做好防範。
小朋友應該要分擔嘅費用，
你black & white問佢拎，
自己儲多$1得$1，
佢唔俾以後都多一分證據佢無照顧小朋友。
重要野唔好放屋企，放娘家。
3個讚
睇完樓主既update，男方原生家庭咁有問題，你老公又唔知盤算緊咩，攤牌即走啦，除非想自己呃自己