佢曬bb 都唔係愛錫bb, 純粹係愛比較, 攞威
有咁樣的老豆example, 好恐怖. 你小心啲, 一係同律師傾下先行動.
上一代比較傳統, 一定唔會主張離婚, 覺得有咩事都要忍左佢. 唔駛理佢啲意見. 最緊要係你自己想點.
2個讚
咁包容佢咩縱容佢lor
其實好難中間劃條線，但如果佢既行為同思想已令你困擾同唔開心，你係應該講出黎再搵方法解決，尊重自己想法，而唔係收收埋埋當無事。
對局外人而言，quick fix 既方法當然係解決提出問題既人啦。我怕你再咁忍落去遲早有情緒病，然後又比人blame the victim無限loop. 你要保護好自己同小朋友呀。
1個讚
我果個仲癫,成日係屋企整野(冇必須既家居事)然後發癫話冇人幫手,我要返工湊小朋友做家務,邊個幫我?
佢曬都唔曬下你
咁動機都好明顯下，佢好有機心
等所有人都覺得佢好好，仲要踩低你孤立你
呢段關係好唔健康
1個讚
錢都唔係問題，問題係佢既態度而且完全當你係工人，對老婆點會咁唔體諒，完全feel唔到佢對你有感情
如果係最近先變到咁分分鐘係出面有狐狸精+開始諗計爭撫養權
不過你小朋友長期係娘家到應該冇咩可能會輸俾佢
就咁睇你老公屋企都好複雜，老爺好恐怖好有心計
贊成上邊講，搵社工開File先，唔離婚佢都要睇吓心理醫生
1個讚
上一代都想婚姻家庭美滿，唔會想你離婚，就算佢哋覺得委屈都唔出聲啦。你要問你自己想點，我哋好難憑片面之詞去俾意見
睇完你分享，我覺得身同感受。
雖然我老公無你老公咁跳缐，但擦存在感，無付出要收鑊，對開刀生仔啲涼薄野太似。
如果佢失聯，你真係抓緊時機搞離婚
1個讚
你老公應該有精神病， 最煩係點說服佢嘅睇醫生
睇落你老公似愛面子多過愛你
完全唔會考慮你感受
個仔都好似係俾佢曬命用咁…
樓主諗吓你單身定係繼續同老公一齊自在啲吧…
1個讚
嘩，好危險
有人版喺度，樓主你小心
去搵社工備定案
依家疫情，一陣又cut service要排就難搞
仲有你要多啲同小朋友傾下玩下
洗腦式咁講你有幾愛佢哋
唔好提老豆，費事如果對家日哦夜哦，個細路會覺得你兩個搵佢做磨心
純粹俾佢覺得你愛佢，由細到大都愛
幫佢recall下細個啲sweet位
關鍵時刻佢哋會記得
1個讚
其實呢個世界有好多潛在嘅精神病人
如果你想估吓你老公係邊款,建議你google一下性格障礙,應該會搵到答案
最後建議,千祈千祈要遠離有性格障礙嘅人,唔係搞到你同小朋友都會出問題
6個讚
真係要搵社工備案，你keep定d証據有d咩事離婚都無咁慘，無可能可以同d咁涼薄嘅人過世，第時小朋友學埋佢就真係大件事…明顯地佢係因為唔知咩原因逼你離婚，好少男人真係咁講到出口，可能有女人可能唔想分錢比你哋都唔頂。同呀媽個d講定先，有咩事你都唔係自己一個。
2個讚
嘩，好唔掂喎你老公。
咩人黎架…呢啲人又當你透明又有居心。
早分早著，遲分瞓唔著。
1個讚
唔知佢原本係點既, 但佢應該係出面有女人(純直覺)…應該都唔洗同佢點傾, 說話裡一點關心體諒都冇, 準備分身家好過…
1個讚
失聯即佢無返屋企？ 你99同住，佢有無覺得自己個仔有問題？ 如果佢突然變得計較，又唔返黎訓，咁有8-9成外邊有女人，否則一個人邊可能出去過夜，訓邊？ 樓主要有最壞既打算。
離婚啦，仲等咩。。。呢啲仆街老公。。。
除咗個b，分開有咩要處理？你養到自己同個b？有地方住？
你老公係一個自私而幼稚嘅人。
有老婆同仔嘅家對佢嚟講只係用嚟打咭放上Facebook晒命，如果要付出好多代價，大過佢晒命得到嘅關注同成就感，佢就會覺得唔抵而想縮沙。
你嘅小朋友有爸爸都冇用，因為自私鬼唔會投資好多時間同心機去培養佢，反而會成為一個男人錯誤嘅示範，教到小朋友不負責任。
JM你有經濟能力，有娘家支援，可選擇嘅路多好多，已屬較幸運一群。你大可list out晒有咁嘅老公/爸爸對你同家人正負面影響，再作出理性判斷。
2個讚
呢件事之後, 佢搵番我, 佢為 “用自己聯針黎同開刀比較” 而道歉… 問我係咪因為呢件事而一直咁憎佢…
其實野就冇再解釋咩事咁樣做…
而家佢都願意俾小朋友ge錢 (可能我都慣, 以及每日返工, 我早出晚歸, 剩係得夜晚入門口果刻見到佢, 我返到去都即刻沖涼, 搞完一輪佢都瞓左, 認真諗, 生左小朋友友之後, 我好忙於工作湊仔, 我地真係做左有名無實的夫妻都有2年多… 我地ge相處模式可能導致感情淡如水, 如同住房客咁…)
另外, 佢為層樓的業權問題, 俾左個schedule & plan我, 仲話會我地自己頭家搬出去住, 佢自己都唔想同佢媽住… (我知, 好大機會係空口講白話, 婚前已經話會買多層樓, 只會同住一陣, 結果都冇… )
之後佢對我態度唔同左, 又話要買最新電話俾我 (我reject左, 因為冇即時ge需要換)
又話黎接我放工, 仲話新一年開始要搞番好夫妻關係…
我好confuse…
最近無意得知左件秘密… 佢屋企人好有問題… 姑奶成日打我毒針, 又破壞我地生育計劃, 佢自己都話唔想再生, 會阻止我, 即係唔再行埋 (雖然呢刻我一樣唔想再同呢種男人生仔) , 姑奶仲挑撥離間, 話佢娶我成件事錯晒, 講好多似足人地小三ge說話 “辛苦你了 / 唔好嬲 / 最愛你”
而且姑奶為我老公帶黎幾百萬債務危機… 佢借左財仔… 除時令我老公同奶奶一無所有兼瞓街… 呢件事老公一直瞞住我, 而我發現佢仲好愛佢家姐, 冇乜嬲, 仲要勁幫佢, 長期支援緊佢… 我真係覺得自己係佢心中好無地位, 小朋友洗費要佢分擔都可以話自己付出左好多, 佢家姐為佢帶來幾百萬債就嬲都唔嬲下… 又會同佢家姐講我壞話… 叫我做"煩西"… 對番每件事ge時間, 明明對我態度還可以, 點知轉頭用好差ge言語講緊我…
我真係唔想再見到佢家姐… 同時亦覺得而家呢刻對我好似好好ge老公, 好假… 我唔知佢邊刻先係真心, 佢個人仲有冇真誠係度… 到底係咪仲相愛, 定係佢只想為個小朋友維持一紙婚姻… (佢知一旦離婚佢更加好少機會再見到自己的小朋友)
困擾左我幾日, 全日都好反胃, 好想嘔…
之前你話佢家姐生仔佢感動到喊，但你生佢就冇反應
再加上你上面呢個描述，我覺得佢地關係好似有啲唔尋常…有啲超出姐弟關係
5個讚